பெங்களூரில் ஐடி நிறுவனத்தில் வேலை பார்த்து வரும் பெண் ஒருவர், தனது 30 லட்சம் ரூபாய் வங்கித் தொகைக் கடன் மற்றும் காதல் விவகாரம் தொடர்பாகத் பெற்றோர் திட்டிய ஆத்திரத்தில், தனது லிவ்-இன் பார்ட்னருடன் சேர்ந்து பெற்ற தாய், தந்தை மற்றும் தங்கையை விருந்துக்கு அழைத்து 50 முறைக்கும் மேலாகக் கத்தியால் குத்திக் கொடூரமாகக் கொலை செய்துள்ள சலசலப்புச் சம்பவம் ஒட்டுமொத்த தேசத்தையும்  அதிர வைத்துள்ளது.

பெங்களூரு கே.ஆர். புரம் காவல் நிலைய எல்லைக்குட்பட்ட பகுதியில் வசித்து வந்த சோமசுந்தர் (55), முத்தலட்சுமி (48) மற்றும் இவர்களது இளைய மகள் சுப்ரியா (20) ஆகியோர் தங்களது மூத்த மகள் ஸ்வேதாவின் வாடகை வீட்டிற்கு டின்னர் சாப்பிடுவதற்காகச் சென்றுள்ளனர். சாப்ட்வேர் துறையில் ஒர்க் ஃபிரம்போம் (Work from home) முறையில் வேலை பார்த்து வந்த ஸ்வேதா, தனது சக ஊழியரான கென்னத் என்பவருடன் கடந்த ஓராண்டாக ரகசியமாக லிவ்-இன் முறைப்படி குடும்பம் நடத்தி வந்ததோடு, வங்கியில் வாங்கிய 30 லட்சம் ரூபாய் கடனுக்கான இஎம்ஐ-ஐயும் (EMI) கட்டத் தவறியுள்ளார்.

இந்த நோட்டீஸ் தந்தை வீட்டுக்குச் சென்றதால் அதிர்ச்சியடைந்த தாய் முத்தலட்சுமி, ஸ்வேதாவை நேரில் கூப்பிட்டுக் கண்டித்ததோடு, அவர் காதலனுடன் வந்ததைப் பார்த்து மிகக் கடுமையாகத் திட்டிப் புத்திமதி கூறியுள்ளார். இதனால் ஆத்திரமடைந்த ஸ்வேதா, பழிவாங்கும் வெறியோடு தனது பெற்றோரையும் தங்கையையும் தனது வீட்டிற்குத் தந்திரமாக டின்னருக்கு அழைத்து, காதலன் கென்னத்துடன் சேர்ந்து கத்தியால் 50-க்கும் மேற்பட்ட முறை கொடூரமாகக் குத்திக் கொலை செய்துவிட்டு பைக்கில் தப்பியோடியுள்ளார்.

சம்பவ இடத்திற்கு விரைந்த பெங்களூரு போலீஸ் கமிஷனர் சீமந்த் குமார் சிங், ரத்த வெள்ளத்தில் கிடந்த மூவரின் உடல்களையும் கைப்பற்றி, உயிரிழப்பதற்கு முன் தந்தை கொடுத்த வாக்குமூலம் மற்றும் சிசிடிவி (CCTV) காட்சிகளின் ஆதாரத்தின் அடிப்படையில் கொலையாளி ஸ்வேதா மற்றும் அவரது பாய்ஃப்ரெண்ட் கென்னத் ஆகிய இருவரையும் தற்போது கம்பி எண்ண வைத்துள்ள விபரம் சோசியல் மீடியாவில் காட்டுத்தீயாய் பரவி பெரும் அதிர்ச்சியை ஏற்படுத்தி வருகிறது.