திரையுலகிலிருந்து விலகி முழுநேர அரசியலில் ஈடுபட்டு வரும் நடிகர் விஜய் குறித்து, அவரது முன்னாள் மேலாளர் பி.டி. செல்வகுமார் அளித்துள்ள சமீபத்திய பேட்டி சமூக வலைதளங்களில் பெரும் விவாதத்தை ஏற்படுத்தியுள்ளது. குறிப்பாக விஜய்யின் குடும்ப உறவுகள் மற்றும் அவரது மகன் ஜேசன் சஞ்சய் குறித்து அவர் முன்வைத்துள்ள கருத்துகள் அதிர்ச்சியை ஏற்படுத்தியுள்ளன.

கடந்த 1999-ஆம் ஆண்டு சங்கீதாவுடன் திருமணமான விஜய்க்கு, தற்போது 25 ஆண்டுகால திருமண உறவில் சிக்கல் ஏற்பட்டுள்ளதாகத் தகவல்கள் கசிந்து வருகின்றன. நடிகை ஒருவருடன் ஏற்பட்ட தொடர்புதான் விவாகரத்து கோரக் காரணம் எனப் பரப்பப்படும் செய்திகள் ஒருபுறம் இருக்க, சமீபத்தில் நடிகை த்ரிஷாவுடன் ஒரே நிற ஆடையில் விஜய் பொது நிகழ்ச்சியில் பங்கேற்றது அவரது ரசிகர்களிடையேயே சலசலப்பை ஏற்படுத்தியது. இத்தகைய சர்ச்சைகளுக்குப் பதிலளிக்காமல் விஜய் தனது அரசியல் பணிகளில் கவனம் செலுத்தி வருகிறார்.

விஜய்யின் ஆரம்பகாலம் முதல் நீண்ட காலம் மேலாளராகப் பணியாற்றிய பி.டி. செல்வகுமார் (தற்போது திமுகவில் உள்ளார்), விஜய்யின் தந்தை வழி உறவு மற்றும் மகனுடனான உறவு குறித்துப் பேசியுள்ளார். அவர் கூறியிருப்பதாவது, விஜய்யின் மகன் ஜேசன் சஞ்சய் படம் இயக்கத் தொடங்கி நான்கு ஆண்டுகள் ஆகிறது. ஆனால், இதுவரை தனது மகனை அழைத்து ‘என்ன பிரச்சனை? வேலைகள் எப்படிப் போகிறது?’ என்று விஜய் ஒரு வார்த்தை கூடக் கேட்கவில்லை. இது மிகுந்த வருத்தமளிக்கிறது.

மேலும், விஜய்யின் தந்தை எஸ்.ஏ. சந்திரசேகர் குறித்துப் பேசிய செல்வகுமார், “ஆரம்ப காலத்தில் எஸ்.ஏ.சி. மட்டும் தனது உழைப்பைச் செலுத்தாமல் இருந்திருந்தால், விஜய்யால் இந்த அளவிற்கு வளர்ந்திருக்க முடியுமா?” என்ற கேள்வியையும் எழுப்பியுள்ளார். விஜய்யின் வளர்ச்சிக்குப் பின்னால் இருந்த அவரது தந்தையின் பங்களிப்பை விஜய் கண்டுகொள்ளாமல் இருப்பதாக அவர் மறைமுகமாகச் சுட்டிக்காட்டியுள்ளார்.

மேலும் முன்னாள் மேலாளரின் இந்த அதிரடிப் புகார்கள், விஜய் தரப்பிலிருந்து இன்னும் உறுதிப்படுத்தப்படவில்லை என்றாலும், சமூக வலைதளங்களில் விஜய் ஆதரவாளர்களுக்கும் எதிர்ப்பாளர்களுக்கும் இடையே பெரும் விவாதத்தை உருவாக்கியுள்ளது.