தமிழகத்தில் சட்டமன்றத் தேர்தல் நடத்தை விதிகள் அமலில் உள்ள நிலையில், நகை அடகுத் தொழில் செய்வோருக்கான புதிய வழிகாட்டுதல்களைத் தேர்தல் ஆணையம் வெளியிட்டுள்ளது. இதன்படி, வாக்காளர்களைக் கவரும் வகையில் வேட்பாளர்களோ அல்லது அவர்களது முகவர்களோ நகை அடகு டோக்கன்கள் அல்லது வில்லைகளை (Tokens) வழங்கி, அவர்கள் மூலமாக அடகு வைத்த நகைகளை மீட்க உதவி செய்யக்கூடாது என்று உத்தரவிடப்பட்டுள்ளது. தேர்தல் நேரத்தில் பணத்திற்குப் பதிலாக இதுபோன்ற முறைகேடுகள் நடக்க வாய்ப்புள்ளதால், அடகு கடை உரிமையாளர்கள் மிகுந்த விழிப்புடன் இருக்குமாறு அறிவுறுத்தப்பட்டுள்ளனர்.

​மேலும், அடகு வைத்த நகைகளைச் சந்தேகத்திற்கு இடமான முறையில் யாராவது மொத்தமாக மீட்டெடுப்பது தெரியவந்தால், அது குறித்து உடனடியாகத் தேர்தல் கட்டுப்பாட்டு அறைக்குத் தகவல் தெரிவிக்க வேண்டும். இதற்காக 1800-425-7012 என்ற பிரத்யேக இலவச எண்ணையும் தேர்தல் ஆணையம் அறிவித்துள்ளது. பொதுமக்களும் இத்தகைய முறைகேடுகள் எங்கு நடந்தாலும் இந்த எண்ணைத் தொடர்பு கொண்டு புகார் அளிக்கலாம் எனத் தெரிவிக்கப்பட்டுள்ளது. இந்த அதிரடி நடவடிக்கை அரசியல் வட்டாரத்திலும், நகை அடகுத் தொழில் செய்பவர்கள் மத்தியிலும் பெரும் பரபரப்பை ஏற்படுத்தியுள்ளது.