தஞ்சாவூர் தேர்தல் பரப்புரையில் பேசிய விஜய், மக்களுக்கும் தனக்கும் இடையிலான உறவு என்பது வெறும் அரசியல் லாபத்திற்காக உருவானது அல்ல என்று திட்டவட்டமாகக் கூறினார். இது இயற்கை அமைத்துக் கொடுத்த ஒரு புனிதமான பந்தம் என்றும், தமக்கும் தமிழக மக்களுக்கும் இடையே ஒரு தாய்-மகன், தந்தை-மகன், அண்ணன்-தங்கை என ரத்த உறவுகளுக்கு இணையான பாசம் இருப்பதாகவும் உருக்கமாகத் தெரிவித்தார். இந்த ஆழமான அன்பை உணர்ந்திருப்பதால், தங்களுக்கு இடையில் யாராலும் பிரிவினையை ஏற்படுத்த முடியாது என்றும் அவர் உறுதியுடன் கூறினார்.

​மற்றவர்களுக்கு இது வெறும் தேர்தல் (Election) களம் மட்டுமே, ஆனால் தமக்கும் தன்னை நேசிக்கும் மக்களுக்கும் இது ஒரு உணர்வுப்பூர்வமான பயணம் (Emotion) என்று விஜய் குறிப்பிட்டார். இந்த எமோஷனல் பிணைப்பு தான் தமிழகத்தின் ஒவ்வொரு வீட்டிலும் எதிரொலிக்கும் என்றும், “வீட்டுக்கு வீடு விஜய், தமிழ்நாட்டுக்காக விஜய்” என்பது வரவிருக்கும் தேர்தலில் 100 சதவீதம் உண்மையாக நிரூபிக்கப்படும் என்றும் அவர் ஆவேசமாகப் பேசினார்.