போபாலில் சமூக வலைதளங்களில் வைரலாகி வரும் ஒரு நெஞ்சை உருக்கும் வீடியோவில், ஆட்டோ ஓட்டும் முதியவர் ஒருவர் தனது சோகமான கதையைப் பகிர்ந்துள்ளார். அந்த ஆட்டோவில் பயணித்த பெண், டிரைவர் “பென்டன், ஹெக்ஸான்” போன்ற கடினமான தொழில்நுட்ப வார்த்தைகளைப் பேசுவதைக் கேட்டு வியந்து அவரிடம் விசாரித்துள்ளார்.
அப்போது அவர் போபாலில் உள்ள புகழ்பெற்ற மேனிட் (MANIT) கல்வி நிறுவனத்தில் பி.டெக் மின்னியல் முடித்தவர் என்பது தெரியவந்தது. இவ்வளவு பெரிய படிப்பு படித்துவிட்டு ஏன் ஆட்டோ ஓட்டுகிறீர்கள் என்று கேட்டபோது, “இது எனது விதி, சொந்த பந்தங்கள் யாரும் எனக்கு ஆதரவாக இல்லை, என் வயிற்றுப் பிழைப்பிற்காக இந்த வேலையைச் செய்கிறேன்” என்று அவர் கண்கலங்கியபடி பதிலளித்தது பார்ப்பவர்களை நெகிழச் செய்துள்ளது.
இந்த வீடியோ ‘ட்ரோல்ஸ் சர்க்யூட்’ என்ற இன்ஸ்டாகிராம் பக்கத்தில் பகிரப்பட்டு, பலரின் கவனத்தை ஈர்த்துள்ளது. குடும்பச் சூழல் மற்றும் துரதிர்ஷ்டவசமான வாழ்க்கை மாற்றங்களால் ஒரு பொறியாளர் ஆட்டோ ஓட்டும் நிலைக்குத் தள்ளப்பட்டாலும், அவர் உழைப்பை கௌரவமாகக் கருதி செயல்படுவது பலராலும் பாராட்டப்பட்டு வருகிறது.
View this post on Instagram
“>
எந்த வேலையும் சிறியது அல்ல என்றும், கஷ்ட காலத்திலும் நேர்மையாக உழைக்கும் அந்த முதியவரின் மனதிடம் ஒரு பாடம் என்றும் நெட்டிசன்கள் கருத்து தெரிவித்து வருகின்றனர். நாம் சந்திக்கும் ஒவ்வொரு மனிதருக்குப் பின்னாலும் ஒரு கண்ணீர்க் கதை மறைந்திருக்கும் என்பதற்கு இந்தச் சம்பவம் ஒரு சிறந்த எடுத்துக்காட்டாகும்.
