அதிமுகவின் எஃகு கோட்டையாகத் திகழும் சேலம் மாவட்டத்தைத் தன்வசப்படுத்த திமுக தலைமை பல்வேறு அரசியல் வியூகங்களை வகுத்து வரும் நிலையில், அதற்குப் பதிலடி கொடுக்கும் விதமாக ஓமலூரில் நடைபெற்ற பிரம்மாண்ட நிகழ்ச்சியில் அதிமுக பொதுச்செயலாளர் எடப்பாடி கே. பழனிசாமி முன்னிலையில் மாற்றுக்கட்சிகளைச் சேர்ந்த சுமார் 2,000 பேர் தங்களை அதிமுகவில் இணைத்துக்கொண்டனர்.

இந்த நிகழ்வில் பேசிய எடப்பாடி பழனிசாமி, திமுக தனது தேர்தல் வாக்குறுதிகளை நிறைவேற்றவில்லை எனக் கடுமையாகச் சாடியதுடன், அதிமுக மீண்டும் ஆட்சிக்கு வந்தால் பெண்களுக்கு ஸ்கூட்டர் மானியம்  கவர்ச்சிகரமான வாக்குறுதிகளையும் முன்வைத்தார். சேலத்தில் நிலவி வரும் இந்த அரசியல் மாற்றம், மாற்றுக்கட்சியினரைத் தங்கள் பக்கம் இழுக்க முயற்சிக்கும் திமுகவுக்குப் பெரும் பின்னடைவாகக் கருதப்படுகிறது.