லிப்ட்டை விட தான் வேகமாகப் படிக்கட்டுகளில் ஏறி வருகிறேனா என்று பார்ப்போம் எனத் தன் மனைவியிடம் சவால் விட்டுச் சென்றார் ஒரு கணவர். ஆனால், உண்மையில் அவர் ஒவ்வொரு மாடியிலும் தன் மனைவிக்காக ஒரு அழகான பரிசைத் தயார் செய்து வைத்திருந்தார். கணவரின் இந்தப் பாசமான செயலையும், லிப்ட் ஒவ்வொரு தளத்தில் நிற்கும்போதும் அங்கு காத்திருக்கும் பரிசுகளைக் கண்டு நெகிழ்ந்து போன மனைவியின் உணர்ச்சிகளையும் காட்டும் இந்த வீடியோ இப்போது இணையத்தில் தீயாய் பரவி வருகிறது.

​படிக்கட்டுகளில் ஓடி வந்து, ஒவ்வொரு மாடியிலும் தன் மனைவிக்கு இன்ப அதிர்ச்சி கொடுத்த கணவரின் இந்தச் செயலைப் பார்த்து நெட்டிசன்கள் வியந்து பாராட்டி வருகின்றனர். “வெறும் விளையாட்டுப் போட்டி என்று நினைத்தால், அதற்குப் பின்னால் இப்படியொரு அழகான காதலா?” என்று பலரும் உருகிப் போய் கமெண்ட் செய்து வருகின்றனர். உண்மையான அன்பு என்பது இது போன்ற சிறு சிறு ஆச்சரியங்களில்தான் இருக்கிறது என்பதை இந்த வீடியோ அழகாக உணர்த்துகிறது.