இன்ஸ்டாகிராம் பக்கத்தில் வைரலாகி வரும் ஒரு காணொளியில், ஒரு சிறுமி தனது தந்தையை நோக்கி ஓடி வந்து அவரைக் கட்டிப்பிடிக்கிறார். அந்தச் சிறுமி வருவதற்கு முன்பு தந்தை நின்றிருந்த இடத்தில் சரியாக ஒரு பெரிய கல் விழுகிறது. மகள் வந்து தந்தை கட்டிப்பிடித்ததால் தான் அவர் உயிர் தப்பினார் என்பது போன்ற ஒரு நெகிழ்ச்சியான காட்சியாக இது பரவி வருகிறது. இதைப் பார்க்கும் பலரும் அந்தச் சிறுமியின் அன்பையும், அந்த மிராக்கிள் தருணத்தையும் கண்டு உணர்ச்சிவசப்பட்டு வருகின்றனர்.
இருந்தாலும், ஆழமாக கவனித்தால் இது ஒரு செயற்கை நுண்ணறிவு (AI) மூலம் உருவாக்கப்பட்ட வீடியோ என்பது தெளிவாகத் தெரிகிறது. சிறுமியைப் பார்த்தவுடன் அந்த நபர் கையில் வைத்திருந்த இரும்புப் பொருளைக் கீழே போட்ட விதம் மற்றும் அவ்வளவு பெரிய கல் அருகில் விழுந்த பிறகும் அதிர்ச்சியடையாமல் இருவரும் அங்கேயே நிற்பது போன்ற காட்சிகள் மிகவும் செயற்கையாக உள்ளன. எனவே, இதுபோன்ற வீடியோக்களை உண்மை என்று நம்பி பகிரும் முன் அதன் நம்பகத்தன்மையைச் சரிபார்ப்பது அவசியம்.
