இன்ஸ்டாகிராம் பக்கத்தில் வைரலாகி வரும் ஒரு காணொளி பார்ப்போரை வயிறு குலுங்கச் சிரிக்க வைத்துள்ளது. அந்த வீடியோவில், புதுமணத் தம்பதியினர் மோதிரம் மாற்றிக் கொள்வதற்காக, ஒரு சிறுவன் தன் அருகில் இருந்த சிறுமியுடன் சேர்ந்து மேடைக்கு மோதிரத்தை எடுத்துச் செல்கிறான். ஆனால், மணமக்கள் அருகே சென்றவுடன் எதிர்பாராத திருப்பமாக, அந்தச் சிறுவன் மோதிரத்தைத் தம்பதிகளிடம் கொடுப்பதற்குப் பதிலாக, உடன் வந்த சிறுமியிடம் கொடுத்து முட்டி போட்டு ‘ப்ரொபோஸ்’ செய்கிறான். இதைப் பார்த்த அங்கிருந்த உறவினர்கள் ஒரு நிமிடம் அதிர்ச்சியடைந்தாலும், சிறுவனின் மழலைத்தனமான செயலைக் கண்டு அரங்கமே அதிரும் வகையில் சிரிக்கத் தொடங்கிவிட்டனர்.
இந்த வேடிக்கையான நிகழ்வுக்குப் பிறகு, அந்தச் சிறுவன் மோதிரத்தைக் கொடுத்துவிட்டு அங்கிருந்து நகர்கிறான். சமூக வலைதளங்களில் இந்தக் காணொளி காட்டுத்தீயாகப் பரவி வருவதுடன், “சிறுவன் தனக்கான வாய்ப்பைச் சரியான நேரத்தில் பயன்படுத்திக் கொண்டான்” என்றும், “இவன் இப்போதே களம் இறங்கிவிட்டான்” என்றும் நெட்டிசன்கள் கிண்டலாகக் கருத்துத் தெரிவித்து வருகின்றனர். சிறுவர்களின் இந்த கள்ளமில்லாத குறும்புத்தனம் பலரது மனதைக் கவர்ந்து இணையத்தில் லைக்குகளை அள்ளி வருகிறது.
