வீட்டைச் சுத்தம் செய்யும் போது பழைய காகிதங்களுக்கு இடையே ஒளிந்திருந்த ஒரு பங்குச் சான்றிதழ் (Stock Certificate), ஒரு குடும்பத்திற்கு ஜாக்பாட் அடித்தது போன்ற லாபத்தைத் தந்துவிட்டது. 1993-ஆம் ஆண்டு ‘பர்ரோஸ் வெல்கம் இந்தியா’ என்ற நிறுவனத்தின் 20 பங்குகளைத் தலா 10 ரூபாய் வீதம் மொத்தம் 200 ரூபாய்க்கு ஒருவர் வாங்கியுள்ளார். காலப்போக்கில் அந்த நிறுவனம் ‘ஜிஎஸ்கே’ (GSK) நிறுவனத்துடன் இணைக்கப்பட்டதோடு, பலமுறை வழங்கப்பட்ட போனஸ் மற்றும் பங்குப் பிரிப்பு (Stock Split) காரணமாக, அந்த 200 ரூபாய் முதலீடு இன்று 89,900% வளர்ந்து 1.80 லட்சம் ரூபாயாக உயர்ந்துள்ளது.
பழைய ஆவணங்களை ஒதுக்கித் தள்ளாமல் தேடிப் பார்த்த ‘தி சார்ட்டியன்ஸ்’ என்ற ட்விட்டர் பயனரின் உறவினருக்குக் கிடைத்த இந்தத் தகவல் இணையத்தில் வைரலாகி வருகிறது. இத்தனை ஆண்டுகளாக அந்த முதலீட்டை அப்படியே மறந்திருந்ததே இந்த பிரம்மாண்ட வளர்ச்சிக்குக் காரணமாகச் சொல்லப்படுகிறது. நீங்களும் உங்கள் தாத்தா, பாட்டி காலத்து பழைய பங்குச் சான்றிதழ்களை வைத்திருந்தால், அவற்றை டிமாட் கணக்கு மூலம் டிஜிட்டல் பங்குகளாக மாற்றி, இன்றைய சந்தை மதிப்புப்படி லட்சக்கணக்கில் லாபம் பெறலாம் என நிபுணர்கள் ஆலோசனை வழங்குகின்றனர்.
