டெல்லியில் உள்ள ஒரு கடையில் விற்கப்படும் ‘தட்கா ஃப்ரூட் மோமோ’ (Tadka Fruit Momo) என்ற வினோத உணவு வகையின் சமையல் வீடியோ, சமூக வலைத்தளங்களில் வைரலாகி மக்களை அதிர்ச்சியடையச் செய்துள்ளது.
இந்தச் சமையல் பரிசோதனையைப் பார்த்தவர்கள், “மோமோ மீதான நம்பிக்கையே போய்விட்டது” என்றும், “இதைச் செய்தவருக்கு நரகத்தில் கூட இடம் கிடைக்காது” என்றும் கருத்துத் தெரிவித்து வருகின்றனர்.
View this post on Instagram
இந்த வீடியோவின் தொடக்கத்திலேயே, “மோமோ கடையில் ஏன் பழங்களை வெட்டுகிறீர்கள்?” என்று கேள்வியுடன் தொடங்குகிறது. இந்தக் கடைக்காரர், வாழைப்பழங்கள், ஆப்பிள்கள், திராட்சைகள் மற்றும் ஆரஞ்சுப் பழங்களை வெட்டி, பின்னர் சூடான எண்ணெயில் போட்டுப் பொரித்து எடுக்கிறார்.
அதன்பிறகு, வறுத்த பழங்களின் மீது கிரீம் மற்றும் சிறிது தண்ணீர் சேர்க்கிறார். கடைசியாக, அதன் மீது ஓரிகனோ (Oregano) மற்றும் மிளகாய்த் தூள் (Chilli Flakes) தூவி, பொரித்த மோமோக்களை (Fried Momos) அதனுடன் சேர்த்து, இந்த விசித்திரமான ‘தட்கா ஃப்ரூட் மோமோ’வை ₹200-க்கு விற்பனை செய்கிறார். “இதைச் சாப்பிடுவதைவிட, ‘சூர்யவம்சம்’ திரைப்படத்தில் வந்த விஷக் கீரை சாப்பிடலாம்” என்றும் பலர் கிண்டல் செய்துள்ளனர்.
