பெண்களின் மாண்பையும் தாய்மையின் பெருமையையும் கொச்சைப் படுத்தும் வகையில் பாஜக மாநிலத் தலைவர் நயினார் நாகேந்திரன் வெளியிட்டுள்ள கருத்துக்கள் ஒட்டுமொத்த தமிழகத்திலும் பெரும் கொந்தளிப்பை ஏற்படுத்தியுள்ளன.

ஒரு அரசியல் கட்சியின் மாநிலத் தலைவராக இருக்கும் ஒருவர் கடைப்பிடிக்க வேண்டிய குறைந்தபட்ச நாகரிகம் கூட இல்லாமல், தாய்மார்கள் முகம் சுழிக்கும் அளவுக்கு நயினார் நாகேந்திரன் தரம் தாழ்ந்து பேசியுள்ளதாகக் கடும் எதிர்ப்புகள் கிளம்பியுள்ளன. பெண்களைப் பற்றி பாஜகவின் உயர் தலைவர்கள் இதுபோன்ற இழிவான பார்வைகொண்டே இருக்கிறார்களா என்பதற்குத் தேசியத் தலைமை வெளிப்படையாகப் பதிலளிக்க வேண்டும் என வலியுறுத்தப்பட்டுள்ளது.

பொதுவெளியில் பெண்களை அவமதிக்கும் வகையில் கருத்துத் தெரிவித்ததற்காகத் தமிழக மக்களிடம் நயினார் நாகேந்திரன் உடனடியாக நிபந்தனையற்ற மன்னிப்பு கேட்க வேண்டும் எனத் தீவிரமாக வலியுறுத்தப்பட்டு வருகிறது.

“>

 

அரசியல் களத்தில் பெரும் அதிர்வலைகளை ஏற்படுத்தியுள்ள இந்த விவகாரம் தற்போது சமூக வலைதளங்களிலும் பேசுபொருளாக மாறியுள்ளது.