இந்தியன் 2 திரைப்படம் குறித்த அப்டேட் வெளியாகியுள்ளது.

தமிழ் சினிமா உலகில் உச்ச நட்சத்திரமாக வலம் வருகின்றார் கமல். அண்மையில் கமல் நடிப்பில் லோகேஷ் கனகராஜ் இயக்கத்தில் வெளிவந்த விக்ரம் திரைப்படம் சூப்பர் டூப் ஹிட்டானது. சென்ற 2018 ஆம் வருடம் தொடங்கி சில காரணங்களால் நிறுத்தப்பட்ட இந்தியன்2 திரைப்படத்தின் படப்பிடிப்பு தற்போது மீண்டும் தொடங்கப்பட்டு விறுவிறுப்பாக நடந்து வருகின்றது.

இந்தநிலையில் கமல் இந்தியன் 2 படத்தில்  நடித்து வருகின்றார். இத்திரைப்படத்தில் கமலுடன் இணைந்து சமுத்திரக்கனி, பாபி சிம்ஹா, காஜல் அகர்வால், சித்தார்த், ராகுல் பிரீத் சிங், ப்ரியா பவானி சங்கர் உள்ளிட்ட பலர் நடித்து வருகின்றார்கள். இத்திரைப்படத்தை லைக்கா நிறுவனம் தயாரிக்க அனிருத் இசை அமைக்கின்றார்.

இத்திரைப்படத்தின் அடுத்த கட்ட படப்பிடிப்பு குறித்த செய்தி வெளியாகியிருக்கின்றது. அதன்படி அடுத்த படப்பிடிப்பு ஜனவரி 22ஆம் தேதி திருப்பதியில் நடைபெற இருப்பதாக செய்தி வெளியாகியிருக்கின்றது. இதன் காரணமாக திருப்பதி மலை பகுதிக்கு அருகே அமைக்கப்பட்டிருக்கும் பிரம்மாண்ட செட்டில் கமல்ஹாசன், சித்தார்த் குறித்த காட்சிகள் படமாக்கப்பட இருப்பதாகவும் சினிமா வட்டாரங்களிடையே பேசப்படுகின்றது.