5 கட்டங்களாக வாக்குப்பதிவு நடைபெறும் மகாராஷ்டிராவில் லோக்சபா தேர்தலுக்கான பிரசாரம் சூடுபிடித்துள்ளது. பிரதான வேட்பாளர்களின் வாக்குறுதிகளுக்கு மத்தியில், அகில பாரதிய மானவதா கட்சியை பிரதிநிதித்துவப்படுத்தும் சுயேச்சை வேட்பாளர் வனிதா ராவத் நாடே திரும்பி பார்க்கும் வகையில் சர்ச்சைக்குரிய  உறுதிமொழியை அளித்துள்ளார்.

ஒவ்வொரு கிராமத்திலும் மதுபானக் கடைகளைத் திறந்து ஏழைகளுக்கு இறக்குமதி செய்யப்பட்ட வெளிநாட்டு விஸ்கி மற்றும் பீர் ஆகியவற்றை எம்பி நீதி மூலம் விநியோகிப்பதாக வேட்பாளர் வனிதா சபதம் செய்துள்ளார். தனது வாக்குறுதி குறித்து அவர் கூறுவதாவது,

தனிநபர்கள், கடினமாக உழைத்த போதிலும், தரமான மதுபானம் கிடைப்பதில்லை என்றும், நிதிக் கட்டுப்பாடுகள் காரணமாக பெரும்பாலும் உள்நாட்டு பிராண்டுகளை நாடுகின்றனர் என்றும் அவர் வாதிடுகிறார். விற்பனையாளர்கள் மற்றும் நுகர்வோர் இருவருமே இறக்குமதி செய்யப்பட்ட மதுபானங்களுக்கான உரிமங்களை வைத்திருக்க வேண்டியதன் அவசியத்தை வலியுறுத்தி, இந்த நபர்களுக்கு மகிழ்ச்சியைக் கொண்டுவருவதே தனது இலக்கு என்று வேட்பாளர் வனிதா கூறுகிறார்.

வனிதா ராவத் இதற்கு முன்பு 2019 மக்களவைத் தேர்தலில் நாக்பூர் தொகுதியில் இதேபோன்ற வாக்குறுதியுடன் போட்டியிட்டார். தேர்தலுக்கு முன்னதாக மகாராஷ்டிராவில் நடந்து வரும் பிரச்சார உற்சாகத்தின் மத்தியில் அவரது தேர்தல் வாக்குறுதியின் தனித்தன்மையும் சர்ச்சைக்குரிய தன்மையும் கவனத்தை ஈர்த்துள்ளது.