தமிழ் சினிமாவின் தனித்துவமான இயக்குனர் செல்வராகவன், தற்போது தனது சமூக வலைதளப் பக்கத்தில் வெளியிட்டுள்ள ஒரு வீடியோ இணையத்தில் தீயாய் பரவி வருகிறது.

அந்த வீடியோவில், “இந்த உலகத்துல உங்களால முடியாது, உங்களுக்குத் திறமை இல்லைன்னு சொல்லுற யாருக்கும் அப்படிச் சொல்ல அருகதை கிடையாது.

பத்தாயிரம் குறைகளைத் தங்களுக்குள் வைத்துக்கொண்டு அடுத்தவர்களைப் பற்றி விமர்சிப்பவர்களைக் கண்டு பயப்படவேண்டாம்” என்று ஆவேசமாகப் பேசியுள்ளார்.

மனதைத் தூய்மையாக வைத்துக்கொண்டு லட்சியத்தை நோக்கி ஓடினால் இலக்கை அடையலாம் என்றும், அடுத்தவர்கள் பேச்சைக் கேட்டால் இருந்த இடத்திலேயே இருக்க வேண்டியதுதான் என்றும் அவர் இளைஞர்களுக்கு ஊக்கம் அளித்துள்ளார்.

அவர் இயக்கிய ‘புதுப்பேட்டை 2’ மற்றும் ‘7G ரெயின்போ காலனி 2’ போன்ற படங்களை வைத்துச் சிலர் அவரை சமூக வலைதளங்களில் கிண்டல் செய்து வரும் நிலையில், இந்த வீடியோ அந்த விமர்சனங்களுக்கு ஒரு மறைமுக பதிலடியாகப் பார்க்கப்படுகிறது.

அதே சமயம், செல்வராகவன் தனது இரண்டாவது மனைவியைப் பிரிந்துவிட்டதாகச் சில வதந்திகள் பரவினாலும், அது குறித்து இதுவரை எந்த அதிகாரப்பூர்வ தகவலும் வெளியாகவில்லை என்பது குறிப்பிடத்தக்கது.

விமர்சனங்களைக் கடந்து தனது பாதையில் முன்னேற வேண்டும் என்ற செல்வராகவனின் இந்தத் தத்துவம், தற்போது பலருக்கும் ஒரு உந்துசக்தியாக மாறியுள்ளது.