விதியின் விளையாட்டு கிழிந்த ஆடைகள், கலைந்த தலைமுடியுடன் ஒரு காலத்தில் திரையுலகில் பணியாற்றிய ஒரு பெண் இன்று தெருவில் பிச்சை எடுக்கும் அவல நிலை சமூக ஊடகங்களில் பெரும் அதிர்ச்சியை ஏற்படுத்தியுள்ளது. ‘ஷீலா’ என்றழைக்கப்படும் இந்த ஆதரவற்ற பெண், தான் முன்பு திரைப்படங்களில் நடித்துள்ளதாகக் கூறுகிறார்.
ஆனால் காலப்போக்கில் ஏற்பட்ட சூழ்நிலை காரணமாக, இன்று மக்கள் அவரை ‘பைத்தியம்’ என்று ஒதுக்கும் நிலைக்குத் தள்ளப்பட்டுள்ளார். மிகவும் மோசமான நிலையில் தெருவில் வாழ்ந்து வந்த இவரைக் கண்ட காவல்துறையினர், அவருக்கு உதவி செய்து ஒரு காப்பகத்தில் சேர்த்தனர்.
View this post on Instagram
“>
மேலும் காப்பகத்தில் சேர்ந்த பிறகு, கடந்த ஆறு மாதங்களில் ஷீலா அவர்களின் வாழ்க்கையில் வியக்கத்தக்க நேர்மறையான மாற்றம் ஏற்பட்டுள்ளது. பிரபல தொலைக்காட்சி நடிகை ஷில்பா ஷிண்டே சமீபத்தில் ஷீலாவுடன் மகிழ்ச்சியாக நடனமாடும் வீடியோ ஒன்றை சமூக ஊடகங்களில் பகிர்ந்துள்ளார். அதில் ஷீலா மிகவும் தூய்மையான ஆடைகளுடன், புன்னகையோடு நடனமாடுவதைக் காண முடிகிறது.
இந்நிலையில் திரையுலகின் கவர்ச்சியான வாழ்க்கை எவ்வாறு தலைகீழாக மாறக்கூடும் என்பதற்கும், விதியின் சதியால் மனித வாழ்க்கை எப்படி மாறும் என்பதற்கும் இதுவொரு உருக்கமான சான்றாகும். ஷில்பா ஷிண்டேயின் இந்த மனிதநேயமிக்க உதவிக்கு நெட்டிசன்கள் தங்களது மனமார்ந்த பாராட்டுக்களைத் தெரிவித்து வருகின்றனர்.
