சென்னை துறைமுகத்தில் உழைக்கும் கூலி தொழிலாளிகளின்  வாழ்க்கைப் போராட்டங்களையும், திரைப்பட உலகின் காட்சிகளையும் ஒன்றாக இணைக்கும் விதமாக, ஒன்இண்டியா நிறுவனம் தனித்துவமான நிகழ்ச்சியை நடத்தியது.

‘கூலி’ திரைப்படத்திற்கான சிறப்பு காட்சியில், 100 துறைமுக கூலி தொழிலாளர்களும் , திறந்த போட்டி மூலம் தேர்வு செய்யப்பட்ட 50 வாசகர்களும் கலந்து கொண்டனர். ‘சென்னை ஹார்பரிலிருந்து வெள்ளித்திரைக்கு’ என்ற பெயரில் நடத்தப்பட்ட இந்த முயற்சி, உண்மையான உழைப்பாளர்களையும், படக் கதையையும் இணைக்கும் சிறப்பான தருணமாக அமைந்தது.

இந்த நிகழ்ச்சியைப் பற்றி ஒன்இண்டியா நிறுவனத்தின் தலைமை நிர்வாக அதிகாரி N. ராவணன்  அவர்கள் தெரிவித்ததாவது: “நாங்கள் எப்போதும் கதைகளின் வலிமையை நம்புகிறோம். வெறும் திரையில் மட்டுமல்ல, நிஜ வாழ்க்கையிலும் ஒவ்வொரு நாளும் சொல்லப்படாத கதைகள் உண்டு.

அந்த கதைகளின் நாயகர்களே இந்த கூலி தொழிலாளிகள்  அவர்களின் உழைப்பை கௌரவிக்கும் வகையில், அவர்களை ‘கூலி’ படத்திற்கான சிறப்பு விருந்தினர்களாக அழைத்துள்ளோம். இது நிஜ வாழ்வையும், நிஜ பாரதத்தையும் ஒளிரச் செய்யும் எங்கள் முயற்சி” எனக் குறிப்பிட்டார்.

திரையரங்கம் அன்று சத்தமுள்ள கைகொட்டல்களால் மட்டுமே நிறைந்ததாக இல்லை. கூலிகளின் நன்றி, மகிழ்ச்சி, உணர்ச்சி பூர்வமான பங்குபற்றுதல் அந்த அரங்கத்தை முழுவதும் நிரப்பியது. முக்கிய காட்சிகளில் எழுந்த உற்சாகக் கோஷங்கள், சம்மத சைகைகள் என சினிமாவுக்கும் அன்றாட வாழ்வின் வீரர்களுக்கும் இடையேயான ஆழமான தொடர்பை வெளிப்படுத்தின.

சமூக அக்கறையுடன் கூடிய சினிமா கொண்டாட்டம் என்ற வகையில், ‘கூலி’ விழா ஒரு திரைப்பட விளம்பரத்தைத் தாண்டி,  ஒரு புதிய கதை ஆகி, பாராட்டுக்குரிய முயற்சியாக அமைந்தது.