நாட்டின் தற்போதைய அவல நிலை குறித்து மக்களவை எதிர்க்கட்சித் தலைவர் ராகுல் காந்தி மத்திய அரசை மிகக் கடுமையான வார்த்தைகளால் விமர்சித்துள்ளார். அவர் பேசுகையில், “இன்று நாட்டின் இளைஞர்கள் கடும் மன அழுத்தத்தில் உள்ளனர்; நீட் தேர்வு ரத்து செய்யப்பட்டது இளைஞர்களை மேலும் மன உளைச்சலுக்கு உள்ளாக்கி இருக்கிறது. இதுமட்டுமன்றி பெட்ரோல் விலை உயர்ந்துள்ளது, எரிவாயு தட்டுப்பாடு நிலவுகிறது, பணவீக்கமும் உச்சத்தைத் தொட்டுள்ளது” என்று அடுக்கடுக்கான குற்றச்சாட்டுகளை முன்வைத்துள்ளார்.

​மேலும் பிரதமர் மோடியைச் சாடிய ராகுல் காந்தி, “நாட்டில் இவ்வளவு பிரச்சினைகள் நடந்து கொண்டிருக்கும் வேளையில், பிரதமர் மோடியோ இத்தாலி பிரதமர் மெலோனியுடன் சேர்ந்து ‘மெலோடி’ (Melodi) சாப்பிடுவதில் பிஸியாக இருக்கிறார்; நாட்டின் தற்போதைய லட்சணம் இதுதான்” என்று மிகக் காரசாரமாகத் தாக்கியுள்ளார். நீட் விவகாரம் மற்றும் விலைவாசி உயர்வைக் குறிப்பிட்டு ராகுல் காந்தி பேசியுள்ள இந்த விவகாரம் தேசிய அரசியலில் பெரும் புயலைக் கிளப்பியுள்ளது.