நடப்பு கல்வி ஆண்டு முதலே 9-ஆம் வகுப்பு மாணவர்களுக்கு 3-வது மொழி கட்டாயம் என்ற சிபிஎஸ்இ (CBSE) வாரியத்தின் புதிய அறிவிப்பை உடனடியாகத் திரும்பப் பெற வேண்டும் என்று பாஜக மாநிலத் தலைவர் அண்ணாமலை வலியுறுத்தியுள்ளார்.

இதுகுறித்து அவர் வெளியிட்டுள்ள அறிக்கையில், “முன்பு திட்டமிட்டிருந்தபடி 2030 என்ற கால வரம்பை திடீரென மாற்றி, மிகக் குறுகிய காலத்திற்குள் மாணவர்கள் ஒரு புதிய மொழியைக் கற்க வேண்டும் என்று எதிர்பார்ப்பது அவர்களுக்குப் பெரும் மன அழுத்தத்தையும் சுமையையும் ஏற்படுத்தும்” என்று கவலை தெரிவித்துள்ளார்.

எனவே, மாணவர்களின் நலனைக் கருத்தில் கொண்டு இந்த உத்தரவை சிபிஎஸ்இ நிர்வாகம் உடனே வாபஸ் பெற வேண்டும் என அவர் தனது அறிக்கையில் கோரிக்கை விடுத்துள்ளார்.