தமிழக முதலமைச்சராகப் பொறுப்பேற்ற பிறகு முதல்முறையாகச் சுதந்திர தின விழாவில் தேசியக் கொடியை ஏற்றி உரை நிகழ்த்தவுள்ள விஜய்க்கான உரை வரைவுத் தயாரிப்புப் பணிகள் தீவிரமடைந்துள்ள நிலையில், அது குறித்த சுவாரஸ்யத் தகவல்கள் அரசியல் வட்டாரத்தில் கசிந்துள்ளன.

முதல்வர் விஜய் முதன்முறையாகச் சுதந்திர தின உரையாற்றவிருப்பதால், பொதுமக்களும் அரசியல் பார்வையாளர்களும் இந்த உரையின் மீது பெரும் எதிர்பார்ப்பைக் கொண்டுள்ளனர். குறிப்பாக, பட்ஜெட்டில் பெரிய அறிவிப்புகள் எதுவும் இடம்பெறாததால், இந்தச் சுதந்திர தின உரையில் அதிரடியான முக்கிய அறிவிப்புகள் வெளியாகும் என்று எதிர்பார்க்கப்படுகிறது. முதல்வரின் ஆலோசகர்கள் மற்றும் உயர் அதிகாரிகளுடன் இணைந்து சுதந்திர தின உரைக்கான வரைவுத் தயாரிப்புப் பணிகள் மேற்கொள்ளப்பட்டன. அந்த வரைவுப் பிரதியைப் பரிசீலனை செய்த முதல்வர் விஜய், அதில் சில மாற்றங்களைச் செய்யப் பரிந்துரைத்துள்ளதாகவும், அதனைத் தொடர்ந்து இறுதி வடிவம் கொடுக்கும் பணிகள் வேகமாக நடந்து வருவதாகவும் கூறப்படுகிறது.

இந்த உரை தனித்துவமாகவும் தாக்கம் ஏற்படுத்துவதாகவும் இருக்க வேண்டும் என்பதற்காக, இதற்கு முன்பு தமிழக முதல்வர்களாகப் பதவி வகித்த மூத்த தலைவர்களின் சுதந்திர தின உரைகளைப் படித்து, அதில் உள்ள முக்கிய குறிப்புகளை ஆய்வு செய்தே தற்போதைய உரை தயாரிக்கப்பட்டு வருவதாகத் தகவல்கள் தெரிவிக்கின்றன.

“>

 

ஏற்கனவே பட்ஜெட் ஏமாற்றம் அளித்துள்ளதாகப் பேசப்படும் சூழலில், முதல்வர் விஜய்யின் இந்த முதல் சுதந்திர தின உரை தமிழக மக்களுக்குப் புதிய நம்பிக்கையையும் அதிரடி அறிவிப்புகளையும் வழங்குமா என்ற எதிர்பார்ப்பு பலமாக எழுந்துள்ளது.