தமிழ் சினிமாவில் பிரபலமான இயக்குனராகவும் நடிகராகவும் இருப்பவர் சுந்தர் சி. இவர் இயக்கத்தில் கடந்த மாதம் அரண்மனை 4 படம் வெளியாகி 100 கோடிக்கும் மேல் வசூல் சாதனை புரிந்து வெற்றிகரமாக தியேட்டர்களில் ஓடிக்கொண்டிருக்கிறது. இந்தப் படத்தில் நடிகைகள் தமன்னா, ராசி கண்ணா, கோவை சரளா ஆகியோர் முக்கிய வேடங்களில் நடித்துள்ளனர்.

இந்த படத்தின்  வெற்றியைத் தொடர்ந்து தற்போது இயக்குனர் சுந்தர் சி கலகலப்பு 3 படத்தை இயக்க இருப்பதாக தகவல் வெளியாகியுள்ளது. ஏற்கனவே கலகலப்பு மற்றும் கலகலப்பு 2 படங்கள் வெளியாகி நல்ல வரவேற்பை பெற்ற நிலையில் தற்போது கலகலப்பு 3 உருவாக இருக்கிறது. இந்த படத்தில் நடிகர்கள் விமல், சிவா மற்றும் நடிகை வாணி போஜன் ஆகியோர் முக்கிய வேடத்தில் நடிக்க இருப்பதாக கூறப்படுகிறது. மேலும் இந்த படத்தின் சூட்டிங் ஜூலை மாதம் தொடங்கும் என்று தெரிகிறது.