லண்டனில் உயர்கல்வி பயின்று வந்த கோமித் ரதி என்ற இளைஞர், தன் தாயைக் கொலை செய்த அதிர்ச்சியூட்டும் சம்பவம் பெரும் பரபரப்பை ஏற்படுத்தியுள்ளது. கோமித் ரதி வேறு சாதியைச் சேர்ந்த பெண் ஒருவரைத் தீவிரமாகக் காதலித்து வந்ததாகக் கூறப்படுகிறது.
இவர்களது காதலுக்கு கோமித்தின் தாய் கடும் எதிர்ப்பு தெரிவித்து வந்ததாகவும், மகனின் திருமண விருப்பத்தை ஏற்க மறுத்து வந்ததாகவும் தெரிகிறது. சாதி மறுப்புத் திருமணத்திற்குத் தடையாக இருந்த தாயின் பிடிவாதம், மகனுக்கு மிகுந்த ஆத்திரத்தை ஏற்படுத்தியதாகத் முதற்கட்ட விசாரணையில் தெரியவந்துள்ளது.
இந்தக் கருத்து வேறுபாடு உச்சகட்டத்தை எட்டிய நிலையில், ஆத்திரமடைந்த கோமித் ரதி தனது தாயைத் தீர்த்துக்கட்டியுள்ளார். வெளிநாட்டில் படித்து நாகரிகமடைந்த ஒரு இளைஞர், சாதி மற்றும் காதல் விவகாரத்திற்காகத் பெற்றத் தாயையே கொலை செய்திருப்பது சமூகத்தில் பெரும் அதிர்ச்சியை ஏற்படுத்தியுள்ளது.
இச்சம்பவம் குறித்து காவல்துறையினர் வழக்குப் பதிவு செய்து தீவிர விசாரணை நடத்தி வருகின்றனர். லண்டனில் படித்துத் திரும்பிய மகன் இத்தகைய கொடூரச் செயலில் ஈடுபட்டது அப்பகுதி மக்களிடையே சோகத்தையும் திகைப்பையும் ஏற்படுத்தியுள்ளது.
