இந்திய கிரிக்கெட் நட்சத்திரம் விராட் கோலி, மைதானத்தில் தனது அதிரடி ஆட்டத்தால் மட்டுமல்லாமல், அவ்வப்போது மாற்றும் நவீன சிகை அலங்காரங்களாலும் ரசிகர்களை ஈர்க்கக்கூடியவர். தற்போது அவர் தனது சிறுவயது ஸ்டைலுக்கு மீண்டும் மாறியுள்ள செய்திகள் இணையத்தில் தீயாய் பரவி வருகின்றன.
மேலும் சமீபத்தில் அவர் புதிய சிகை அலங்காரத்துடன் இருக்கும் புகைப்படங்கள் சமூக வலைதளங்களில் வைரலாகி வரும் நிலையில், இது அவர் கிரிக்கெட் வாழ்க்கையின் ஆரம்ப காலங்களில் இருந்த தோற்றத்தை நினைவுபடுத்துவதாக ரசிகர்கள் உற்சாகத்துடன் கருத்து தெரிவித்து வருகின்றனர். ஒவ்வொரு ஐபிஎல் தொடருக்கு முன்பும் அல்லது முக்கிய தொடர்களின் போதும் கோலி தனது தோற்றத்தில் புதுமையைப் புகுத்துவது வழக்கம்.
அந்த வகையில், தற்போது அவர் மேற்கொண்டுள்ள இந்த மாற்றமானது மிகவும் எளிமையாகவும், அதே சமயம் வசீகரமாகவும் இருப்பதாகக் கூறப்படுகிறது. ‘கிங் கோலி’யின் இந்த பழைய ஸ்டைல் ரீ-என்ட்ரி, அவர் மீண்டும் அதே பழைய துடிப்புடன் களமிறங்கப் போகிறார் என்பதற்கான அறிகுறியாகப் பார்ப்பதாக அவரது தீவிர ரசிகர்கள் சமூக வலைதளங்களில் பதிவிட்டு கொண்டாடி வருகின்றனர்.
