இந்தியா-பாகிஸ்தான் இடையேயான கிரிக்கெட் போட்டி எப்போதும் மைதானத்திற்கு உள்ளேயும் வெளியேயும் பெரும் பரபரப்பை ஏற்படுத்தும். சமீபத்தில் நடைபெற்ற உலகக் கோப்பை போட்டியில் இந்திய அணியிடம் பாகிஸ்தான் தோல்வியடைந்ததைத் தொடர்ந்து, அந்த நாட்டு வீரர்களிடையே கடும் மோதல் வெடித்துள்ளதாக செய்திகள் வெளியாகியுள்ளன.

இந்தத் தோல்வி பாகிஸ்தான் கிரிக்கெட் வட்டாரத்தில் பெரும் அதிர்வலைகளை ஏற்படுத்தியுள்ள நிலையில், வீரர்கள் ஒருவரை ஒருவர் குற்றம் சாட்டி வருவதாகவும், இது அணியின் ஒற்றுமையை சீர்குலைத்துள்ளதாகவும் கூறப்படுகிறது. குறிப்பாக, முக்கியமான நேரத்தில் விக்கெட்டுகளை இழந்தது மற்றும் பந்துவீச்சில் சொதப்பியது தொடர்பாக வீரர்களுக்குள் ‘நீயா-நானா’ என்ற ரீதியில் வாக்குவாதம் முற்றியுள்ளது.

இந்த மோதலானது வெறும் வார்த்தைப் போரோடு நின்றுவிடாமல், உலகக் கோப்பைத் தொடர் பாதியிலேயே இருக்கும் நிலையில் அணியின் உள்விவகாரங்கள் வீதிக்கு வந்துள்ளது ரசிகர்களிடையே அதிருப்தியை ஏற்படுத்தியுள்ளது.