பிரபல நடிகை மாளவிகா அவினாஷ் உடல்நலக்குறைவால் பாதிக்கப்பட்டுள்ளார். இந்நிலையில் அவர் மருத்துவமனையில் சிகிச்சை பெறும் புகைப்படத்தை சமூக ஊடகங்களில் வெளியிட்டுள்ளார். மேலும் அதில் “யாராவது ஒற்றைத் தலைவலியால் அவதிப்பட்டால், அதை சாதாரணமாக எடுத்துக் கொள்ளாதீர்கள்” என்று பதிவிட்டுள்ளார்.
மாளவிகா அவினாஷ் தமிழில் சேது, ஜேஜே, கேஜிஎஃப் உள்ளிட்ட ஏராளமான படங்களில் நடித்துள்ளார். தற்போது பாஜக செய்தித் தொடர்பாளராக உள்ளார். கன்னடம் மற்றும் தமிழ் படங்களில் நடித்ததற்காக அறியப்பட்டவர். ஜீ கன்னடத்தில் ஒளிபரப்பான ஒரு தொலைக்காட்சி நிகழ்ச்சியான படுகு ஜடகா பந்தியை அவர் தொகுத்து வழங்கினார்.
