சமூக ஊடகங்களில் தற்போது வைரலாகி வரும் ஒரு வீடியோ, பலரையும் சிரிக்க வைத்ததோடு, அது ஸ்கிரிப்ட் செய்யப்பட்டதா இல்லையா என்ற விவாதத்தையும் தூண்டியுள்ளது. இந்த வீடியோவில், மெட்ரோ ரயிலில் ஒரு இளைஞர் அமைதியாக நிற்பதைக் காணலாம். அதன்பின், அருகே நின்ற ஒரு பெண் எந்த காரணமும் இல்லாமல் திடீரென்று அவனை அறைகிறாள். இது அனைவரையும் ஆச்சரியத்தில் ஆழ்த்தியது.

ஆனால் அதற்குப் பிறகு அந்த இளைஞர் எடுக்கும் பழிவாங்கும் நடைமுறை தான் இந்த வீடியோவை வேற லெவலுக்கு கொண்டு சென்றுள்ளது. மெட்ரோ கதவு திறக்கும்போதே அந்த இளைஞர் அதே பெண்ணை அறைந்து பழிவாங்கி மெட்ரோவிலிருந்து வெளியேறுகிறார். இதை பார்த்த பயணிகள் சிரிப்பை அடக்க முடியாமல் நகைச்சுவையாகவே எடுத்துக் கொண்டனர்.

இந்த காட்சிகள் வைரலாகியுள்ளது @Miss_Choudhary0 என்ற இன்ஸ்டாகிராம் பக்கம் மூலம். இதற்கு ஆயிரக்கணக்கான லைக்குகள், பக்கம் மிளிரும் ரீபோஸ்ட்கள், மற்றும் எகிறும் கமெண்ட்களும் குவிந்து வருகின்றன. “சகோதரரே, என் சிரிப்பைக் கட்டுப்படுத்த முடியவில்லை,” என்று ஒருவர் பதிவிட்டிருக்க, “இது ரீல் உலகத்தில் தான் நடக்கும், நிஜ வாழ்க்கையில் இப்படி செய்ய முடியாது” என மற்றொருவர் பதிவிட்டுள்ளார். இதை ஸ்கிரிப்ட் செய்த காட்சி என்றாலும் கூட, அதன் முடிவு மிகவும் காமெடியாக இருப்பதால் மக்கள் பெரிதும் ரசித்து வருகின்றனர்.

“>

 

இவ்வாறு, நாள்தோறும் சமூக ஊடகங்களில் ஏதாவது ஒரு வீடியோ வைரலாகி பேசப்படும் நிலையில், இந்த மெட்ரோவில் ஏற்பட்ட நகைச்சுவை சம்பவம் பலரையும் சிரிக்க வைத்துள்ளது. இது உண்மையா, அல்லது நாடகமா என்ற கேள்விக்கு விடை தெரியவில்லை என்றாலும், மனிதர்கள் இதைப் பார்த்து பொழுதுபோக்குவதும், அதிலிருந்து ஒரு நிமிட சிரிப்பு பெறுவதும் தான் முக்கியம். நகைச்சுவை உணர்வுடன் பழிவாங்கும் அந்த சிறுவனின் செயல் இப்போது இன்ஸ்டா ரீல்ஸ் உலகத்தில் டிரெண்டாகியுள்ளது.