பஞ்சாப் மாநிலத்தில் , தார் காரை இயக்கிச் சென்ற ஒரு நபர், புதிதாக மழையால் உருவான பாயும் ஆற்றை கடக்க முயன்ற அதிரடியான செயலில் ஈடுபட்டார். அவர், காருடன் நேராக பாயும் நீரில் இறங்கியதும், காரின் முன்பக்கம் தடுமாறி, வெள்ள ஓட்டத்தின் சீற்றத்தால் சமநிலையை இழந்தது. காரில் அவர் உட்பட பலர் இருந்த நிலையில், அவர்கள் திடீரென பயத்துடன் நடுங்க ஆரம்பித்தனர்.
கார் ஓடையின் நடுவே சிக்கிய நிலையில், அதில் இருந்தவர்கள் எப்படியும் உயிரை இழப்பார்கள் என நினைத்தனர். ஆனால் அதிர்ஷ்டவசமாக, அவர்கள் அனைவரும் பாதுகாப்பாக வெளியேறினர். காரும் பின்னர் வெற்றிகரமாக நீரிலிருந்து இழுத்து வெளியேற்றப்பட்டது. இந்த அதிர்ச்சியூட்டும் காட்சி வீடியோவாக பதிவு செய்யப்பட்டு, இன்ஸ்டாகிராமில் வெளியிடப்பட்டது. இதுவரை 60 லட்சம் பேர் அதனை பார்த்துள்ளனர்.
View this post on Instagram
“>
இந்த வீடியோவில், “இயற்கையுடன் சண்டை போட கூடாது” என்பதற்கான வாழ்க்கை பாடமே கூறப்படுகிறது. பல நெட்டிசன்கள் இது போன்ற செயலில் ஈடுபடுவோர் தங்கள் உயிரையே விளையாட்டாக்குகிறார்கள் என கண்டனம் தெரிவித்துள்ளனர். கடவுளின் அருளால் தான் அவர்கள் உயிர் தப்பியதாகவும், இனிமேலும் சோதனை முயற்சிகளை தவிர்க்க வேண்டுமெனவும் வலியுறுத்தியுள்ளனர்.
