சமீபத்தில் இன்ஸ்டாகிராம் பக்கத்தில் ஒரு பெண் உயிரோடு இருக்கும் ஆக்டோபஸ்ஸை (Octopus) சாப்பிடுவது போன்ற காணொளி வெளியாகி, சமூக ஊடகங்களில் பெரும் அதிர்ச்சியை ஏற்படுத்தியுள்ளது. அந்தக் காணொளியில், தட்டில் அசைந்துகொண்டிருக்கும் ஆக்டோபஸ்ஸை அந்தப் பெண் தன் கைகளில் எடுத்து அப்படியே சாப்பிடுகிறார். இந்தக் கொடூரமான காட்சியைக் கண்ட பல பயனர்கள் அதிர்ச்சியிலும், அருவருப்பிலும் உறைந்து போயுள்ளனர்.
உயிருள்ள உயிரினத்தை இப்படி உண்பது சரியா என்ற விவாதமும் நெட்டிசன்களிடையே எழுந்துள்ளது. இந்தக் காணொளியின் உண்மைத்தன்மை குறித்தும் தற்போது கேள்விகள் எழுந்துள்ளன. இந்தக் காட்சி மிகவும் அதிர்ச்சியூட்டுவதாகவும் நம்பமுடியாததாகவும் இருப்பதால், இது உண்மையிலேயே நடந்ததா அல்லது செயற்கை நுண்ணறிவு (AI) மூலம் உருவாக்கப்பட்டதா என்றும் பலர் சந்தேகம் எழுப்புகின்றனர்.
சமூக ஊடகங்களில் பார்வையாளர்களின் கவனத்தை ஈர்க்கும் நோக்கில், இப்படியான வினோதமான அல்லது அதிர்ச்சியான காணொளிகளை ஏஐ மூலம் உருவாக்குவது இப்போது அதிகரித்து வருகிறது. எனவே, இந்தப் பெண் உயிரோடு ஆக்டோபஸ்ஸை சாப்பிடும் காணொளியும் அப்படி உருவாக்கப்பட்ட ஒன்றாக இருக்கலாம் என்ற கருத்தும் வலுவாக முன்வைக்கப்படுகிறது.
