அமெரிக்கா மற்றும் ஈரான் நாடுகளுக்கு இடையிலான வரலாற்றுச் சிறப்புமிக்க அமைதிப் பேச்சுவார்த்தை பாகிஸ்தான் தலைநகர் இஸ்லாமாபாத்தில் இன்னும் சில மணி நேரங்களில் தொடங்கவுள்ளது. உலகமே இந்தப் பேச்சுவார்த்தையை ஆவலுடன் எதிர்பார்த்துக் காத்திருக்கும் வேளையில், அமெரிக்க அதிபர் டொனால்ட் டிரம்ப் விடுத்துள்ள கடும் எச்சரிக்கை பெரும் பரபரப்பை ஏற்படுத்தியுள்ளது.
பேச்சுவார்த்தையின் போது ஈரான் ஒரு முறையான உடன்பாட்டிற்கு வரத் தவறினால், அந்த நாட்டின் மீது மீண்டும் கடுமையான ராணுவத் தாக்குதல்கள் நடத்தப்படும் என டிரம்ப் பகிரங்கமாக மிரட்டியுள்ளார். ஒருபுறம் பேச்சுவார்த்தைக்கு அழைப்பு விடுத்துவிட்டு, மறுபுறம் மிரட்டல் விடுக்கும் டிரம்பின் இந்த அதிரடிப் போக்கு சர்வதேச அளவில் பெரும் விமர்சனங்களை எழுப்பியுள்ளது. டிரம்பின் இந்த மிரட்டலால் இஸ்லாமாபாத் பேச்சுவார்த்தையில் சுமூக முடிவு எட்டப்படுமா அல்லது போர் பதற்றம் அதிகரிக்குமா என்ற கேள்வி எழுந்துள்ளது.
