4 வயது சிறுமி ஒருவர், பள்ளிக்கு அழைத்துச் செல்லும் வேனில் ஓட்டுநரால் பாலியல் வன்கொடுமைக்கு உள்ளான அதிர்ச்சி சம்பவம் லக்னோவில் இடம்பெற்றுள்ளது. இந்திரா நகர் பகுதியில் உள்ள பிரபல தனியார் பள்ளியின் வேன் ஓட்டுநர் முகமது ஆரிஃப், கடந்த ஜூலை 14 ஆம் தேதி சிறுமியை பள்ளிக்கு அழைத்துச் செல்லும் போது, வேனில் தனியாக இருந்த சிறுமியை  பாலியல் பலாத்காரம் செய்ததாக புகார் எழுந்துள்ளது.

சம்பவத்தை தாய் அறிந்ததும், பள்ளி மேலாளரிடம் புகார் அளித்தாலும் எந்த நடவடிக்கையும் எடுக்கப்படவில்லை. இதனைத் தொடர்ந்து, இந்திரா நகர் காவல் நிலையத்தில் ஓட்டுநருக்கு எதிராக POCSO சட்டம், பாலியல் வன்கொடுமை, மிரட்டல் உள்ளிட்ட சட்டங்களின் கீழ் வழக்கு பதிவு செய்யப்பட்டு அவர் கைது செய்யப்பட்டுள்ளார்.

சிறுமி மிகவும் சோகமான நிலையில் வீடு திரும்பி, தனது தாயிடம் அந்தரங்க உறுப்புகளில் வலி இருப்பதாக கூறியபோது, தாய் உடனே மருத்துவரை அணுகினார். மருத்துவ பரிசோதனையில் சிறுமியின் அந்தரங்க  பகுதியில் காயம் இருப்பது உறுதி செய்யப்பட்டது. பின்னர், சிறுமி சைகைகள் மூலம் தன்னை “டிரைவர் மாமா அப்படி செய்தார்” என கூறியதும், தாய் அதிர்ச்சியில் உடனடியாக போலீசில் புகார் அளித்தார்.

போலீசாரின் விசாரணையில், சம்பவத்தின் போது சிறுமி வேனில் தனியாக இருந்ததும் உறுதி செய்யப்பட்டது. மேலும், தாய் இந்த விவகாரம் குறித்து பள்ளி மேலாளர் சந்தீப் குமாரிடம் புகார் அளித்த போதும், அவர் அதை அலட்சியமாக புறக்கணித்ததது தெரியவந்துள்ளது.

குற்றம் சாட்டப்பட்ட முகமது ஆரிஃப், தாயிடம் “நீங்கள் போலீசில் புகார் செய்தால், உங்கள் குழந்தையை காணாமல் போகச் செய்வேன்” என மிரட்டியதும் விசாரணையில் தெரியவந்துள்ளது.

இந்நிலையில், மாணவிகளின் பாதுகாப்பு கேள்விக்குறியாக மாறிய நிலையில், சம்பந்தப்பட்ட வேன் மற்றும் அதில் பயணிக்கும் மற்ற மாணவிகளிடமிருந்து போலீசார் விசாரணை மேற்கொண்டு வருகின்றனர்.

மேலும், இது போன்ற பாலியல் வன்கொடுமைகளை இக்குட்பிரதேசங்களில் முற்றுப்புள்ளி வைப்பதற்கான நடவடிக்கைகள் தீவிரமாக எடுக்கப்படும் என அதிகாரிகள் தெரிவித்துள்ளனர். லக்னோவின் கல்வி வளாகத்தில் நிகழ்ந்த இச்சம்பவம், பெற்றோர்களிடையே பெரும் கவலையை ஏற்படுத்தியுள்ளது.