முன்னாள் முதல்வர் ஜெயலலிதா அவர்களின் ஆட்சிக்காலத்தில் ஏழை, எளிய மக்களின் பசி போக்க துவங்கப்பட்ட ‘அம்மா உணவகங்கள்’, கடந்த திமுக ஆட்சியில் போதிய பராமரிப்பு இன்றி பல இடங்களில் முடங்கிக் கிடந்தன. இந்நிலையில், தற்போதைய தமிழக முதலமைச்சர் விஜய் அவர்கள், அம்மா உணவகங்களை உடனடியாக சீரமைத்து மீண்டும் முழு வீச்சில் நடைமுறைக்குக் கொண்டு வர வேண்டும் என அதிரடி உத்தரவு பிறப்பித்துள்ளார். மேலும், அங்கு ஏழைகளுக்குத் தரமான உணவுகள் வழங்கப்படுவதை அதிகாரிகள் உறுதி செய்ய வேண்டும் என்றும் கறாராகக் குறிப்பிட்டுள்ளார்.
முதலமைச்சரின் இந்த மக்கள் நலன் சார்ந்த முடிவை பாராட்டி, பிரபல திரைப்பட நடிகர் படவா கோபி தனது இன்ஸ்டாகிராம் பக்கத்தில் நெகிழ்ச்சியான காணொளி ஒன்றை வெளியிட்டுள்ளார். அதில், ஒரு சாமானிய மக்களுக்கு அம்மா உணவகம் எந்த அளவிற்கு அத்தியாவசியமானது, அது எவ்வளவு பெரிய வரப்பிரசாதம் என்பதை மிக உருக்கமாக எடுத்துரைத்துள்ளார். முதலமைச்சர் விஜய்யின் இந்த அதிரடி நடவடிக்கையும், படவா கோபியின் இந்த வீடியோவும் தற்போது சமூக வலைத்தளங்களில் பயங்கர வைரலாகி, பொதுமக்களின் பாராட்டுகளைப் பெற்று வருகிறது.
