கோவை மாவட்டம் சூலூர் அருகே நேற்று மாலை 10 வயது சிறுமி ஒருவரை அடையாளம் தெரியாத நபர் ஒருவர் திடீரென கடத்திச் சென்றுள்ளார்.

இதுகுறித்து தகவலறிந்த காவல்துறையினர் சிறுமியைத் தீவிரமாகத் தேடி வந்த நிலையில், இன்று கடத்தப்பட்ட இடத்தில் இருந்து சுமார் 2 கிலோ மீட்டர் தொலைவில் உள்ள ஒரு குளத்தில் இருந்து அந்த சிறுமி துரதிர்ஷ்டவசமாக சடலமாக மீட்கப்பட்டுள்ளார்.

சிறுமியின் உடலைக் கைப்பற்றியுள்ள போலீசார், இந்த கொடூர சம்பவத்தின் பின்னணியில் பாலியல் வன்கொடுமை ஏதேனும் நடந்துள்ளதா என்ற கோணத்தில் தீவிர விசாரணை நடத்தி வருகின்றனர்.

மேலும், சிறுமியை கடத்தி கொலை செய்த அந்த மர்ம நபரை வளைத்துப் பிடிக்க காவல்துறையினர் தரப்பில் 3 தனிப்படைகள் அமைக்கப்பட்டு, தீவிர தேடுதல் வேட்டை முடுக்கிவிடப்பட்டுள்ளது.