தமிழகத்தில் தவெக தலைமையிலான புதிய அமைச்சரவையில் திமுக கூட்டணியைச் சேர்ந்த காங்கிரஸ், விடுதலைச் சிறுத்தைகள் மற்றும் இந்திய யூனியன் முஸ்லிம் லீக் (ஐயூஎம்எல்) ஆகிய கட்சிகள் அதிரடியாக இடம்பிடித்துள்ள நிலையில், “இனிவரும் காலங்களில் நடைபெறும் எந்தவொரு தேர்தலிலும் பிற கட்சிகளின் சின்னத்தில் போட்டியிடப் போவதில்லை; தங்களது சொந்தச் சின்னத்தில் மட்டுமே களம் காண்போம்” என மனிதநேய மக்கள் கட்சி (மமக) அதிகாரப்பூர்வமாகத் தீர்மானம் நிறைவேற்றியுள்ளது.

சென்னையில் மமக தலைவர் பேராசிரியர் எம்.எச். ஜவாஹிருல்லா தலைமையில் மே 20, 21 ஆகிய இரு தினங்கள் நடைபெற்ற கட்சியின் தலைமை நிர்வாகிகள் மற்றும் பொதுக்குழு பிரதிநிதிகளின் அவசர ஆலோசனைக் கூட்டத்தில் இந்த அதிரடி முடிவு எட்டப்பட்டுள்ளது.

கடந்த சட்டமன்றத் தேர்தலில் தனிச் சின்னத்தில் நின்ற விசிக மற்றும் முஸ்லிம் லீக் ஆகிய கட்சிகள் வெற்றிபெற்று தற்பொழுது தவெக அமைச்சரவையில் மந்திரி பதவிகளைப் பெற்றுள்ள நிலையில், உதயசூரியன் சின்னத்தில் போட்டியிட்டதால் தவெக-வுக்கு ஆதரவளிக்க முடியாத இக்கட்டான சூழல் மமக-வுக்கு ஏற்பட்டது; இந்த அரசியல் படிப்பினையைத் தொடர்ந்தே, தங்களின் தனித்துவத்தைக் காக்க ‘இனி தனிச் சின்னம் தான்’ என்ற வரலாற்றுத் தீர்மானத்தை மமக நிறைவேற்றியுள்ளது கூட்டணி அரசியல் வட்டாரத்தில் பெரும்  சலசலப்பை ஏற்படுத்தியுள்ளது.