உலகில் பல கொடிய நோய்கள் இருந்தாலும், 34 வயதான கேப்ரியல் டி’ஏதே என்ற பெண்ணுக்கு ஏற்பட்டுள்ள நோய் மிகவும் விசித்திரமானது மற்றும் கொடுமையானது. அவருக்கு ‘அட்டிபிகல் ட்ரைஜெமினல் நியூரால்ஜியா’ (Atypical Trigeminal Neuralgia) என்ற பாதிப்பு உள்ளது. இந்தப் பாதிப்பு ஏற்பட்டால், முகத்தில் லேசான குளிர் காற்று பட்டாலோ அல்லது குளிர்காலத்தில் வெளியே சென்றாலோ, முகத்தில் யாரோ கத்தியால் குத்துவது போன்றும், மின்சார அதிர்ச்சி ஏற்படுவது போன்றும் தாங்க முடியாத வலி ஏற்படும்.

இதனால், அவர் பல மாதங்களாக வீட்டை விட்டு வெளியேற முடியாமல் முடங்கிக் கிடக்கிறார். ஆரம்பத்தில் இது சாதாரண பல் வலி என்று நினைத்து சிகிச்சை பெற்ற அவருக்கு, இரண்டு ஆண்டுகளுக்குப் பிறகே இது நரம்பு சம்பந்தப்பட்ட தீவிரமான பாதிப்பு என்பது தெரியவந்தது. மருத்துவ உலகில் இந்த நோய் ‘தற்கொலை நோய்’ (Suicide Disease) என்று அழைக்கப்படுகிறது, ஏனெனில் இதன் வலி அவ்வளவு கொடியதாக இருக்கும்.

தற்போது அவருக்கு ‘பராக்ஸிஸ்மல் ஹேமிக்ரேனியா’ என்ற மற்றொரு தலைவலி பாதிப்பும் சேர்ந்து ஏற்பட்டுள்ளது. இந்த இரண்டு பிரச்சனைகளும் ஒரே நேரத்தில் இருப்பதால், அவருக்கு அறுவை சிகிச்சை செய்யவும் மருத்துவர்கள் மறுத்துவிட்டனர். வலி நிவாரண மாத்திரைகள் கூடக் கேட்காத நிலையில், தனது வாழ்க்கை முற்றிலும் முடங்கிப் போய்விட்டதாகவும், தனிமையில் வாடுவதாகவும் கேப்ரியல் வேதனையுடன் தெரிவித்துள்ளார்.