இணையத்தில் காங்கிரஸ் கட்சியின் மூத்த தலைவர் ராகுல் காந்தி பேசிய வீடியோ ஒன்று தற்போது வைரலாகி வருகிறது. அதில், அவர் தேர்தல் ஆணையத்தின் செயல்பாடுகள் மீது கடுமையான குற்றச்சாட்டுகளை முன்வைத்து, பாஜகவை வெற்றிபெற வைப்பதற்காக தேர்தல் ஆணையம் மோசடியில் ஈடுபட்டதாக குறிப்பிடுகிறார்.
ஒரு குறிப்பிட்ட மாநிலத்தில், ஒரு வீட்டு எண்ணில் (எண் 35) 80 வாக்காளர்கள் இருப்பதாகவும், மற்றொரு வாக்குச்சாவடி எண் 366-இல் ஒரே படுக்கையறை கொண்ட வீட்டில் 46 வாக்காளர்கள் வெவ்வேறு குடும்பங்களைச் சேர்ந்தவர்களாக பதிவு செய்யப்பட்டிருப்பதாகவும் தேர்தல் ஆணையம் தெரிவித்துள்ளதாக அவர் கூறுகிறார்.
இதை உறுதிப்படுத்த காங்கிரஸ் கட்சியினர் அந்த இடங்களுக்கு சென்றபோது, அங்கு யாரும் தங்கியதற்கான ஆதாரங்கள் இல்லை எனவும், அவர்கள் தாக்கப்பட்டு, காணொளி பதிவு செய்ய தடுக்கப்பட்டதாகவும் ராகுல் காந்தி குற்றம்சாட்டுகிறார். இந்த வீடியோ, தேர்தல் ஆணையத்தின் நம்பகத்தன்மை குறித்து பரவலான விவாதங்களை ஏற்படுத்தியுள்ளது.
இந்த வீடியோவில் ராகுல் காந்தி, வாக்காளர் பட்டியலில் மோசடி நடந்ததற்கு ஆதாரமாக, ஒரே வீட்டில் பல வாக்காளர்கள் பதிவு செய்யப்பட்டிருப்பதையும், அந்த இடங்களில் உண்மையில் யாரும் வசிக்கவில்லை என்பதையும் சுட்டிக்காட்டுகிறார். “ஒரு படுக்கையறை கொண்ட வீட்டில் 46 பேர் எப்படி வசிக்க முடியும்? இது தேர்தல் ஆணையத்தின் தவறு மட்டுமல்ல, இந்திய அரசியலமைப்புக்கு எதிரான குற்றம்,” என அவர் குறிப்பிடுகிறார்.
View this post on Instagram
“>
காங்கிரஸ் கட்சியின் ஆறு மாத கால ஆய்வில், மகாதேவபுரா சட்டமன்றத் தொகுதியில் 1,00,250 வாக்குகள் “திருடப்பட்டவை” எனவும், இதற்கு தேர்தல் ஆணையம் மறுப்பு தெரிவிக்கவில்லை என்றும் அவர் வாதிடுகிறார். இந்த வீடியோ, இணையத்தில் பரவி, பலரிடையே தேர்தல் செயல்முறைகளின் வெளிப்படைத்தன்மை குறித்த கேள்விகளை எழுப்பியுள்ளது, மேலும் இது பொதுமக்களிடையே தேர்தல் ஆணையத்தின் நடவடிக்கைகள் மீதான நம்பிக்கையை கேள்விக்கு உட்படுத்தியுள்ளது.
