திருப்பூர் மாவட்டம் தாராபுரம் அருகே நிகழ்ந்த கோரமான கார் விபத்தில், ஒரே குடும்பத்தைச் சேர்ந்த நான்கு இளைஞர்கள் சம்பவ இடத்திலேயே உயிரிழந்த சம்பவம் பெரும் அதிர்ச்சியை ஏற்படுத்தியுள்ளது. அதிவேகமாகச் சென்ற கார் கட்டுப்பாட்டை இழந்து சாலையோரப் பள்ளத்தில் கவிழ்ந்ததில், அதில் பயணம் செய்த நான்கு பேரும் உடல் நசுங்கி பரிதாபமாக உயிரிழந்தனர்.
இந்நிலையில் கண்ணிமைக்கும் நேரத்தில் நடந்த இந்த கோர விபத்து, அந்தப் பகுதியையே சோகத்தில் ஆழ்த்தியுள்ளது. தகவலறிந்து சம்பவ இடத்திற்கு வந்த அவர்களின் தந்தை, தனது நான்கு மகன்களும் சடலமாகக் கிடப்பதைக் கண்டு கதறி அழுத காட்சி காண்போரின் நெஞ்சைப் பிழிவதாக இருந்தது. “
மேலும் என் நான்கு தூண்களையும் இழந்துவிட்டேனே” என அவர் எழுப்பிய மரண ஓலம் அந்த இடத்தையே உறைய வைத்தது. இந்த விபத்து குறித்து வழக்குப்பதிவு செய்துள்ள காவல்துறையினர் விசாரணை நடத்தி வருகின்றனர். ஒரே குடும்பத்தைச் சேர்ந்த நான்கு வாரிசுகள் உயிரிழந்தது அப்பகுதியில் ஈடு செய்ய முடியாத பெரும் சோகத்தை ஏற்படுத்தியுள்ளது.
