மதுரை மாவட்டம் பாரபத்தியில் வியாழக்கிழமை நடைபெற்ற தமிழக வெற்றிக் கழகத்தின் இரண்டாவது மாநில மாநாட்டில் நடிகர் விஜய் எழுப்பிய கருத்துகள் குறித்து திராவிடர் கழக தலைவர் கி.வீரமணி சுட்டிக்காட்டியுள்ளார்.
செய்தியாளர்களிடம் பேசிய அவர், “எம்.ஜி.ஆரின் பெயரை இவர்கள் விளையாட்டாகப் பயன்படுத்துவது பரிதாபமாக உள்ளது. ஒருவரும் ‘கருப்பு எம்.ஜி.ஆர்’, மற்றொருவரும் ‘வெள்ளை எம்.ஜி.ஆர்’ என்கிறார்கள். இவர்களிடம் சொந்தமான கொள்கை என்ன? மக்களிடம் நேரடியாக சென்று தம் கொள்கையையும் திட்டங்களையும் சொல்ல வேண்டியபோது, அவர் பேசியது பண்பாடற்ற வகையில் இருந்தது” என்றார்.
மேலும், “ஒரு முதல்-அமைச்சரை எப்படி அழைக்க வேண்டும் என்பது கூட தெரியாமல், சினிமா வசன போக்கில் பேசியிருப்பது கவலைக்கிடமாக உள்ளது. ஓய்வு பெற்று அரசியலுக்கு வந்தவர்கள் யார், ஓய்வு பெறாமல் வந்தவர்கள் யார் எனத் திட்டவட்டமாக ஆய்வு செய்யும் நிலைக்குள் போயிருக்கிறார். இது அரசியலில் புதிய முகமென்று கூறப்படுகிற ஒருவருக்கு ஏற்றதல்ல” எனக் குற்றம்சாட்டினார்.
