தண்ணீருக்குள் வாழும் உயிரினங்களில் முதன்மையாகக் காணப்படும் மீன்கள், பொதுவாக தங்கள் எலும்புச் செவுள்கள் (gills) வாயிலாக தண்ணீரில் உள்ள ஆக்ஸிஜனை உறிஞ்சி சுவாசிக்கின்றன என்பது அனைவரும் அறிந்த உண்மை. ஆனால், சமீபத்தில் சமூக ஊடகங்களில் வெளியான ஒரு வீடியோ, இந்தப் பாரம்பரிய அறிவை ஒரு கணம் சிந்திக்க வைக்கும் வகையில் அமைந்துள்ளது.
அதாவது சமூக வலைதளமான Instagram-இல் ‘heartwisst’ என்ற கணக்கின் மூலம் பகிரப்பட்ட இந்த வீடியோவில், ஒரு வாளியில் சில மீன்கள் நீந்திக்கொண்டு இருப்பதைக் காணலாம். அதன் மேலே, ஒரு குழாயில் இருந்து தண்ணீர் தொடர்ந்து பாய்கிறது. இந்தக் குழாயின் கீழே ஒரு மீன் வந்து, தன்னுடைய வாயைத் திறந்து தண்ணீர் குடிக்கிறது.
இந்த காட்சி, தண்ணீருக்குள் மூச்சு எடுக்கும் மீன்கள், நிலத்தில் வாழும் மனிதர்கள் போல தண்ணீரை நேராகக் குடிப்பது போல தோன்றியது. இதுவே பலரை ஆச்சரியப்படச் செய்ததுடன், வலைதள பயனர்களிடையே பரபரப்பையும் உருவாக்கியுள்ளது.
View this post on Instagram
இந்த வீடியோ இணையத்தில் வைரலான பின்னர், பல பயனர்கள் தங்களது கருத்துகளைப் பகிர்ந்துள்ளனர். ஒரு பயனர், “என் வாழ்க்கையில் இதுபோன்ற காட்சியை முதல் முறையாகப் பார்க்கிறேன்” என்று குறிப்பிட்டுள்ளார். மற்றொருவர், “இந்த மீன் மனிதர்களைப் போலவே தண்ணீர் குடிக்கிறது” என்று பகிர்ந்துள்ளார். இதேபோல், இன்னொரு நபர், “நான் மிகவும் ஆச்சரியப்பட்டேன்” என்று தனது பிரமிப்பை வெளியிட்டுள்ளார்.
இது உண்மையில் மீன் தண்ணீர் குடிப்பதாக இருந்தாலும், தண்ணீரின் ஓட்டத்தில் விளையாடும் செயலாக இருக்கக்கூடும் என்றும், சில விஞ்ஞானிகள் பார்வையிட்டுள்ளனர். மீன்கள் பொதுவாக தண்ணீரை குடிக்க வேண்டிய அவசியம் இல்லாமல், தங்கள் உடலின் உப்புச் சீர்மை மற்றும் ஆக்ஸிஜன் தேவை காரணமாக தண்ணீரை உடலில் ஊடுருவச் செய்கின்றன. மேலும் அனைவரையும் ஆச்சரியத்தில் ஆழ்த்தும் இக்காட்சி, இணையத்தில் மீன்களின் நடத்தை பற்றிய புதிய சிந்தனைகளையும் ஆர்வத்தையும் தூண்டியுள்ளது.
