தெலங்கானா முன்னாள் முதலமைச்சர் சந்திரசேகர ராவ் சமீபத்தில் அவரது வீட்டில் தடுமாறி கீழே விழுந்தார். இதனால் அவருக்கு இடுப்பில் காயம் ஏற்பட்டது. இதையடுத்து சிகிச்சைக்காக மருத்துவமனையில் அனுமதிக்கப்பட்டார். இந்நிலையில், சந்திரசேகர ராவ் வீடியோ ஒன்றை வெளியிட்டுள்ளார். அதில்”விபத்துக்கு பிறகு மருத்துவமனையில் இருக்கும் எனக்கு நோய்த்தொற்று ஏற்பட்டு உடல்நிலை மோசமடைய வாய்ப்பு இருப்பதாக மருத்துவக் குழு கூறுகிறது. அதனால், என்னை பார்க்க வந்து சிரமப்பட வேண்டாம். பூரண குணமடைந்த பிறகு நாம் சந்திப்போம்” என்று கூறியுள்ளார்.