இயற்கையிலேயே பாம்புக்கும் கீரிக்கும் இருக்கும் பகை உலகறிந்த ஒன்று. இவை இரண்டும் நேருக்கு நேர் மோதிக்கொண்டால், அதில் ஏதோ ஒன்றின் உயிர் போவது உறுதி. தற்போது சமூக வலைதளங்களில் வைரலாகி வரும் ஒரு வீடியோவில், ஒரு விஷப்பாம்புக்கும் கீரிக்கும் இடையே நடக்கும் மிகக் கொடூரமான சண்டைக் காட்சிகள் பதிவாகியுள்ளன. சாலையோரம் உள்ள புதரில் படம் எடுத்து ஆடிக்கொண்டிருந்த ஒரு பாம்பைக் கண்ட கீரி, மின்னல் வேகத்தில் பாய்ந்து அதன் மீது தாக்குதல் நடத்துகிறது. பாம்பு தப்பித்து ஓட முயன்றாலும், கீரி விடாமல் அதன் பாதையை மறித்து ஆக்ரோஷமாகப் போரிடுகிறது.
கீரியின் அபாரமான வேகத்திற்கு முன்னால் பாம்பின் விஷம் வேலை செய்யவில்லை. ஒரு கட்டத்தில் பாம்பின் படத்தையே தனது வலுவான தாடையால் கவ்விப் பிடித்த கீரி, அதனை நிலைகுலைய வைக்கிறது. பாம்பு தன்னை விடுவித்துக்கொள்ள எவ்வளவு போராடியும் கீரியின் பிடி தளரவில்லை. இறுதியில் பாம்பை பலத்த காயங்களுக்கு உள்ளாக்கிவிட்டு கீரி அங்கிருந்து நகர்கிறது. இன்ஸ்டாகிராமில் பகிரப்பட்ட இந்த வீடியோவை பார்த்த நெட்டிசன்கள், “இயற்கையின் சுழற்சியில் மனிதர்கள் தலையிடக் கூடாது, யாருக்கு எப்போது முடிவு என்பது இயற்கைக்குத் தெரியும்” என வியப்புடன் கமெண்ட் செய்து வருகின்றனர்.
