இன்றைய கார்ப்பரேட் உலகில் மாதம் ரூ. 2.5 லட்சம் சம்பாதித்தாலும், வேலையின் அழுத்தம் மற்றும் மன உளைச்சல் காரணமாக உண்மையான மகிழ்ச்சியை அனுபவிக்க முடிவதில்லை என்று ஒரு பெண் சமூக வலைதளங்களில் பகிர்ந்துள்ள பதிவு பெரும் விவாதத்தை கிளப்பியுள்ளது.

மேலும் அதிக சம்பளம் வாங்கும் போது கிடைக்கும் ஆடம்பரங்களை விட, ஆரம்பகாலத்தில் ரூ. 15,000 சம்பளத்தில் இருந்த போது கிடைத்த நிம்மதியும், எளிய மகிழ்ச்சியும் இப்போது இல்லை என்று அவர் ஆதங்கப்படுகிறார். பணத்திற்கும் மேலாக மன ஆரோக்கியமும், நேரமும் எவ்வளவு முக்கியம் என்பதை இவரது அனுபவம் வெளிச்சமிட்டுக் காட்டுகிறது.

இதனால் பெரிய நிறுவனங்களில் நிலவும் ‘நச்சுச் சூழல்’ மற்றும் இடைவிடாத வேலைப்பளு, ஒருவரின் தனிப்பட்ட வாழ்க்கையை முழுமையாக சிதைத்து விடுகிறது என்பதை இந்தப் பெண் சுட்டிக்காட்டியுள்ளார். கையில் எவ்வளவு பணம் இருந்தாலும், அதை அனுபவிக்க நேரமோ அல்லது நிம்மதியான மனநிலையோ இல்லாத போது அந்தப் பணம் அர்த்தமற்றதாகி விடுகிறது.

இந்நிலையில் “உண்மையான மகிழ்ச்சி வங்கிக் கணக்கில் இல்லை, நாம் வாழும் நிம்மதியான தருணங்களில்தான் இருக்கிறது” என்ற இவரது கருத்து, கார்ப்பரேட் கனவுகளில் ஓடிக்கொண்டிருக்கும் பல இளைஞர்களைச் சிந்திக்க வைத்துள்ளது.