பரிவர்த்தனைகளில் நடக்கும் பெரும்  மோசடிகளுக்கும், தெரியாமல் மாறிப் போகும் பணத்திற்கும் முற்றுப்புள்ளி வைக்க, இன்று (ஜூன் 01, 2026) முதல் நாடு முழுவதும் ஒரு புதிய அதிரடி நடைமுறை அமலுக்கு வந்துள்ளது!

இனி நீங்கள் கூகுள் பே, ஃபோன்பே அல்லது பேடிஎம் என எந்த ஆப் மூலமாக யூபிஐ (UPI) க்யூஆர் கோடை ஸ்கேன் செய்து பணம் அனுப்பினாலும், அடுத்த நொடியே உங்களது மொபைல் திரையில் பணத்தைப் பெறுபவரின் உண்மையான வங்கி கணக்கு பெயர் மற்றும் முழு விவரங்களும் பட்டவர்த்தனமாகத் தோன்றும்.

வங்கியின் அதிகாரப்பூர்வ டேட்டாபேஸ் மூலம் சரிபார்க்கப்பட்ட நிஜப் பெயர் மட்டுமே திரையில் காட்டப்படும் என்பதால், தவறான நபர்களுக்குப் பணம் மாறுவது முற்றிலும் தடுக்கப்படும். ஆன்லைன் ஸ்கேமர்களின் போலி பெயர்களை நொடியில் அம்பலப்படுத்தும் இந்த அதிரடி பாதுகாப்பு அம்சம், பொதுமக்கள் மத்தியில் பலத்த வரவேற்பைப் பெற்றுள்ளது!