இந்தியாவின் விண்வெளி ஆராய்ச்சித் துறையில் புதிய மைல்கல்லாக, ‘விக்ரம் 1’ ராக்கெட் வெற்றிகரமாக விண்ணில் ஏவப்பட்டு, புவி சுற்றுப்பாதையில் நிலைநிறுத்தப்பட்டுள்ளது.

இந்த வரலாற்றுச் சிறப்புமிக்க வெற்றியைப் பாராட்டியுள்ள ‘இன்-ஸ்பேஸ்’ (IN-SPACe) அமைப்பின் தலைவர் பவன் குமார் கோயங்கா, இது ஒட்டுமொத்த இந்தியாவிற்கும் பெருமை சேர்க்கும் தருணம் என்று நெகிழ்ச்சியுடன் தெரிவித்துள்ளார்.

மேலும், ‘ஸ்கை ரூட்’ (Skyroot) குழுவினரின் இந்த அதிரடி முயற்சிக்குத் தனது பாராட்டுகளைத் தெரிவித்த அவர், வரும் காலங்களில் இந்தியாவில் எலான் மஸ்க் போன்ற பல விண்வெளித் தொழில்முனைவோர்கள் உருவாக இது வழிவகுக்கும் என்றும் நம்பிக்கை தெரிவித்துள்ளார்.

தனியார் விண்வெளித் துறையில் இந்தியா எடுத்து வைத்துள்ள இந்த முக்கிய அடி, உலக அரங்கில் இந்தியாவிற்குப் புதிய அடையாளத்தை ஏற்படுத்தியுள்ளது.