ஆஸ்திரேலிய கிரிக்கெட் வாரியம் 2026-27 ஆம் ஆண்டிற்கான மத்திய ஒப்பந்தப் பட்டியலை வெளியிட்டுள்ளது. இதில் அந்த அணியின் நட்சத்திர அதிரடி ஆல்-ரவுண்டர் கிளென் மேக்ஸ்வெல் அதிரடியாக நீக்கப்பட்டுள்ளார். கடந்த 2025 ஜூன் மாதம் ஒருநாள் போட்டிகளில் இருந்து ஓய்வு பெற்ற மேக்ஸ்வெல், சமீபகாலமாக டி20 போட்டிகளிலும் பெரிய அளவில் சோபிக்கத் தவறியதே இந்த முடிவுக்கு முக்கியக் காரணமாகக் கூறப்படுகிறது.

இது குறிப்பாக கடந்த டி20 உலகக்கோப்பையில் ஆஸ்திரேலியா குழு நிலையிலேயே வெளியேறியதும், மேக்ஸ்வெல்லின் மந்தமான ஆட்டமும் தேர்வாளர்களிடையே அதிருப்தியை ஏற்படுத்தியுள்ளது. இந்த புதிய ஒப்பந்தப் பட்டியலில் மேக்ஸ்வெல் மட்டுமின்றி உஸ்மான் கவாஜா, சாம் கோன்ஸ்டாஸ் மற்றும் ஜே ரிச்சர்ட்சன் போன்ற வீரர்களும் நீக்கப்பட்டுள்ளனர்.