தன்னுடைய தந்தை கடந்த பல ஆண்டுகளாகத் தன்னைத் தொடர்ந்து பாலியல் வன்கொடுமைக்கு உள்ளாக்கியதாக இளம்பெண் ஒருவர் அளித்திருக்கும் புகார் பெரும் அதிர்ச்சியை ஏற்படுத்தியுள்ளது. அந்தப் பெண் அளித்த வாக்குமூலத்தில், சிறுவயது முதலே தந்தை தன்னைத் துன்புறுத்தி வருவதாகவும், ஒவ்வொரு முறை வன்கொடுமை செய்வதற்கு முன்பும் ஆபாசப் படங்களைப் பார்க்கச் சொல்லி தன்னை கட்டாயப்படுத்துவார் என்றும் வேதனையுடன் தெரிவித்துள்ளார்.
இந்நிலையில் நீண்டகாலமாக இந்த கொடுமையை சகித்து வந்த அந்தப் பெண், தற்போது துணிச்சலுடன் காவல்துறையை அணுகி இக்கொடூரத்தை வெளிச்சத்திற்கு கொண்டு வந்துள்ளார். இந்தச் சம்பவம் குறித்து வழக்குப்பதிவு செய்துள்ள காவல்துறையினர், குற்றம் சாட்டப்பட்ட தந்தையைக் கைது செய்து தீவிர விசாரணை நடத்தி வருகின்றனர்.
மேலும் பாதிக்கப்பட்ட பெண்ணிற்குத் தேவையான மருத்துவப் பரிசோதனைகள் மற்றும் மனநல ஆலோசனைகள் வழங்கப்பட்டு வருவதாக அதிகாரிகள் தரப்பில் தெரிவிக்கப்பட்டுள்ளது. பெற்ற மகளுக்கே தந்தையே இத்தகைய துரோகத்தைச் செய்திருப்பது சமூக வலைதளங்களிலும் பொதுமக்களிடையேயும் கடும் கொந்தளிப்பை ஏற்படுத்தியுள்ளது. குற்றவாளிக்கு உரிய தண்டனை வழங்கப்பட வேண்டும் எனப் பலரும் வலியுறுத்தி வருகின்றனர்.
