புதுக்கோட்டையில் செய்தியாளர்களைச் சந்தித்த அமைச்சர் ரகுபதி, தமிழக வரலாற்றில் முன் எப்போதும் இல்லாத வகையில் குடும்ப அட்டைதாரர்களுக்கு 3,000 ரூபாய் பொங்கல் பரிசு வழங்கப்படுவது மக்கள் மீதான அரசின் உண்மையான அக்கறையைக் காட்டுகிறது என்றார். இது தேர்தல் ஆதாயத்திற்காகச் செய்யப்படும் அரசியல் அல்ல என்று அவர் திட்டவட்டமாகத் தெரிவித்தார். தமிழக அரசு மக்களின் நலனை மட்டுமே கருத்தில் கொண்டு இந்தத் திட்டத்தைச் செயல்படுத்துவதாக அவர் விளக்கம் அளித்தார்.

​எதிர்க்கட்சித் தலைவர் எடப்பாடி பழனிசாமி முன்வைக்கும் ஊழல் புகார்களுக்குப் பதிலடி கொடுத்த அமைச்சர், அவரை “ஒன்றாம் நம்பர் ஊழல்வாதி” என்று கடுமையாக விமர்சித்தார். ஊழல் பற்றிப் பேச எடப்பாடி பழனிசாமிக்கு எந்தத் தகுதியும் இல்லை என்றும், திமுக அரசு மீது வீண் பழி சுமத்துவதை அவர் நிறுத்திக்கொள்ள வேண்டும் என்றும் அமைச்சர் ரகுபதி கேட்டுக்கொண்டார்.