சினிமா உலகில் நடிகர் விஜய்க்குப் போட்டியாக சிவகார்த்திகேயன் தனது படங்களை வெளியிடுவதாகவும், இது விஜய்க்குச் செய்யும் துரோகம் என்றும் ஒரு தரப்பினர் விமர்சித்து வருகின்றனர். இந்நிலையில், இதற்குப் பதிலடி கொடுக்கும் வகையில் ‘எக்ஸ்’ (X) தளத்தில் ஒரு காணொளி வெளியாகிப் பெரும் விவாதத்தைக் கிளப்பியுள்ளது. சினிமாவில் விஜய்யை அறிமுகப்படுத்திய கேப்டன் விஜயகாந்திற்கே, விஜய் பலமுறை போட்டியாகப் படங்களை வெளியிட்டுத் துரோகம் செய்திருப்பதாக அந்தக் காணொளி சுட்டிக்காட்டுகிறது.

​குறிப்பாக, விஜயகாந்தின் ‘ரமணா’ படத்திற்குப் போட்டியாக விஜய்யின் ‘பகவதி’ வெளியானதையும், ‘சொக்கத்தங்கம்’ படத்திற்கு எதிராக ‘வசீகரா’ மற்றும் ‘ராஜ்யம்’ படத்திற்குப் போட்டியாக ‘தமிழன்’ போன்ற படங்கள் வெளியானதையும் அந்த வீடியோ ஆதாரங்களுடன் பட்டியலிட்டுள்ளது. “கேப்டனுக்கே போட்டியாக வந்தவர் தான் விஜய்” என்ற ரீதியில் உருவாக்கப்பட்டுள்ள இந்தக் காணொளி, தற்போது சமூக வலைதளங்களில் சினிமா ரசிகர்களிடையே தீயாய் பரவி வைரலாகி வருகிறது.