2026 தமிழக சட்டசபை தேர்தல் நெருங்கி வரும் வேளையில், முன்னாள் முதல்வர் ஓ. பன்னீர்செல்வத்தின் அரசியல் நகர்வுகள் பெரும் எதிர்பார்ப்பை ஏற்படுத்தியுள்ளன. அண்மையில் டெல்லி சென்ற அதிமுக பொதுச்செயலாளர் எடப்பாடி பழனிசாமி, ஓபிஎஸ் மற்றும் சசிகலாவை மீண்டும் கட்சியில் இணைப்பதற்கோ அல்லது கூட்டணியில் சேர்ப்பதற்கோ வாய்ப்பே இல்லை என்று திட்டவட்டமாகத் தெரிவித்துள்ளார்.

இதனைத் தொடர்ந்து, பாஜக தலைமையிலான தேசிய ஜனநாயகக் கூட்டணியில் எடப்பாடி தலைமையிலான அதிமுகவின் கை ஓங்கியுள்ளதால், ஓபிஎஸ் தரப்பு மாற்று வழிகளை தீவிரமாக பரிசீலித்து வருகிறது. தற்போதைய அரசியல் சூழலில், ஓபிஎஸ் தனது அடுத்தக்கட்ட முடிவாக நடிகர் விஜய்யின் ‘தமிழக வெற்றி கழகம்’  கட்சியுடன் கூட்டணி அமைப்பார் அல்லது திமுக தலைமையிலான கூட்டணியை ஆதரிப்பார் என்று அரசியல் வட்டாரங்களில் பேசப்படுகிறது.

இது குறிப்பாக, நடிகர் விஜய்யின் கட்சியில் இணைவதன் மூலம் தனது ‘அதிமுக’ அடையாளத்தைத் தக்கவைத்துக் கொள்ள முடியும் என அவரது ஆதரவாளர்கள் கருதுகின்றனர். ஜனவரி மாத பாதியில் தனது இறுதி முடிவை அறிவிப்பதாக ஓபிஎஸ் ஏற்கனவே தெரிவித்திருந்த நிலையில், இந்த புதிய கூட்டணி அறிவிப்பு தமிழக அரசியலில் ஒரு முக்கிய திருப்புமுனையாக அமையும் என எதிர்பார்க்கப்படுகிறது.