சமூக வலைதளங்களில் தற்போது ஒரு காதலனுக்கு அவரது காதலியின் பெற்றோர் செய்த பிரம்மாண்ட உபசாரம் குறித்த வீடியோ வெளியாகி, இணையவாசிகளின் பேராதரவோடு செம வைரலாகி வருகிறது. பொதுவாகப் பெண்கள் தங்களது காதலர்களை வீட்டிற்கு அழைத்து வர பயப்படும் இந்தச் சமுதாயத்தில், இன்ஸ்டாகிராமில் ஒரு பெண் பகிர்ந்துள்ள இந்த வீடியோ முற்றிலும் மாறுபட்ட நெகிழ்ச்சியான கதையைக் கூறுகிறது.
சில நாட்கள் தங்குவதற்காகத் தனது வீட்டிற்கு வந்த காதலனுக்கு, அந்தப் பெண்ணின் தந்தை மிகவும் ஆசையாகத் தனது சொந்தக் கையாலேயே மட்டன் சாதம் சமைத்துப் பரிமாறியுள்ளார்; அந்த நேரத்தில் தட்டில் மட்டன் சோறைப் பெற்றுக் கொள்ளும் அந்தக் காதலன், சுற்றிலும் இருக்கும் குடும்பத்தினரின் பார்வைகளால் வெட்கத்தில் என்ன செய்வதென்று தெரியாமல் திகைத்துப் போகிறான்.
View this post on Instagram
அதைவிடச் சுவாரசியமாக, அங்கிருந்த காதலியின் தாய் விளையாட்டாக, “யார் சமையல் சூப்பராக இருக்கிறது, அப்பாவா அல்லது நானா?” என்று கேட்க, அந்த இளைஞர் பயந்துபோய் “இரண்டுமே நன்றாக இருக்கிறது” என மழுப்பும் அந்தப் பாசப் போராட்டம் ஒட்டுமொத்தக் குடும்பத்தையும் சிரிக்க வைத்துள்ளது.
தங்களுக்கு இவ்வளவு புரிந்துணர்வு கொண்ட, திறந்த மனதுடைய (Open-minded) பெற்றோர் கிடைத்ததற்குத் தான் மிகவும் கொடுத்து வைத்தவர் என்று அந்தப் பெண் நெகிழ்ச்சியுடன் பதிவிட்டுள்ள இந்த வீடியோ, “கிஸ்மத் இருந்தால் இந்த லவ்வர் மாதிரி இருக்க வேண்டும்” என்று ஒட்டுமொத்த நெட்டிசன்களையும் தற்போதைய சமூக வலைதளக் கமெண்ட்களில் பொறாமைப்பட வைத்துள்ளது.
