உத்தரப் பிரதேச மாநிலம் முராதாபாத்தில் (Moradabad, UP) கடந்த நவம்பர் 25-ஆம் தேதி, பஞ்சாப் நேஷனல் வங்கியின் (PNB) ஏ.டி.எம். இயந்திரத்தை அப்படியே பெயர்த்தெடுத்துச் சென்றச் சம்பவம் அதிர்ச்சியை ஏற்படுத்தியது.

இந்தக் கொள்ளையர்கள் புர்கா அணிந்து வந்து, இயந்திரத்தை ஒரு கயிற்றால் காரில் கட்டி இழுத்துச் சென்றுள்ள காட்சி சிசிடிவி-யில் பதிவாகி இணையத்தில் வைரலானது.

சுமார் ரூ. 7 லட்சம் ரொக்கம் இருந்த அந்த ஏ.டி.எம்.மைத் திருடிய கும்பல், பணத்தை எடுத்துவிட்டு, இயந்திரத்தை அமரோஹா (Amroha) பகுதியில் உள்ள கரும்புத் தோட்டத்தில் வீசிச் சென்றுள்ளது.

இந்தச் சம்பவத்திற்குப் பிறகு, போலீஸார் சுமார் 1,000 சிசிடிவி கேமராக்களின்ப் பதிவுகளை ஆய்வு செய்து, இந்தக் குற்றவாளிகளைக் கண்டுபிடிப்பதில் வெற்றி பெற்றனர். ஹரியானாவின் மேவாட்டைச் (Mewat, Haryana) சேர்ந்த நியாமாத் @ கோடா (Niyamat @ Ghoda) என்பவரே இந்தக் கும்பலின் தலைமை மூளை என்றுத் தெரிய வந்துள்ளது.

போலீஸாருடன் நடந்த என்கவுண்டரில் அப்துல் மதீன், தன்ஜீம் உள்ளிட்ட ஐந்து பேர் கைது செய்யப்பட்டனர். இதில், இருவர் காலில் சுடப்பட்டு மருத்துவமனையில் சிகிச்சைக்காக அனுமதிக்கப்பட்டனர்.

கைது செய்யப்பட்டவர்களிடம் இருந்து சுமார் 3 லட்சம் ரூபாய் ரொக்கம் மற்றும் கொள்ளைக்குப் பயன்படுத்தப்பட்டக் கார் போன்ற பொருட்கள் பறிமுதல் செய்யப்பட்டன.